Da ka khusnam ‘Hall of Grace’ pynkup burom ka Mowkyndeng ïa kiba kyntiew ïaka roi ka par

Syllad | The Rising MeghalayaMarch 10, 2019

JOWAI: Ka Dorbar Shnong Madankynsaw-Mowkyndeng kala pynkup burom da ka nam “Hall of Grace” iaki riew rangbah jong ka shnong kumjuh kiba nabar shnong kiba la noh synniang sha ka roi ka par jong ka shnong hynnin ka sngi Saitjaiñ.

Kine ki rangbah kiba shah pynkup burom ki kynthup MLA barim bad MDC ka Raliang mynta u ma Robinus Syngkon, u ma Coming One Ymbon MLA ka Raliang Constituency, u ma Paul Synnah Executive Engineer PHE, u Ma Dwick Lamin DTO Khliehriat, East Jaiñtia Hills, u Bah (L) Edwin Synnah-Waheh Shnong barim.

Ha kane ka jingïalang pynkup burom la ïadonlang u ki nongialam shnong bad ki riew rangbah ka shnong.