Da ka kyndon aiñ 144 Cr.PC pynjari ha East Khasi Hills ban tem ïaka jingpur u ‘niang Coronavirus

Syllad | The Rising MeghalayaMarch 19, 2020

Ban ïakhun pyrshah ïaka jingpang ba ïabit sted, ka COVID-19 (Coronavirus), ka District Magistrate jong ka East Khasi Hills District, ka la pynjari syndon da ka kyndon jong ka Section 144 Cr.PC.

Kane ka kyndon aiñ kaba la pynjari, kala hukum ban khang khyrdep lut ia baroh ki iew ki hat  bad ka jingkhang ban iaid ki kali kamai paidbah. Nalor katta la mana bad khang pyrshah iaka jingialum lang ki paidbah palat ia ka san ngut, ha kino kino ki jaka.

Kane ka hukum kan sdang ba kan treikam naduh ka shiteng synia 12 baje mynmiet haka 20 tarik Lber 2020 haduh ka shiteng synia jong ka 21 tarik Lber 2020. Kata naduh ka shiteng miet ka sngi Thohdieng haduh ka por shiteng synia haka sngi Saitjaiñ kane ka hukum kan treikam.

Ka jingpynjari ia kane la hukum ka long kat kum ka jingbthah ba la pynmih da ka tnat ka koit ka khiah jong ka sokar jylla, kum shi bynta ban ïakhun pyrshah ban nym ioh ban pur jong ka jingpang COVID-19 (Coronavirus).