Da ka kynroh pynshna ka KSU ban shngain ki khynnah haka jaka ri khynnah ha East Jaintia Hills

Syllad | The Rising MeghalayaDecember 21, 2022

Ka Khasi Students’ Union (KSU), East Jaintia Hills District Unit kala ker da ka kynroh haka jaka ri khynnah ka 7 Thyndai Child care Institute Cum Counseling Centre.

Ia kane ka kynroh la shna ka KSU ban shngain ki khynnah ban shong ba sah ha kane ka iing ri khynnah kaba la tip kum ka 7 Thyndai Child Care Institute Cum Counseling Centre kaba don ha Tuberkmaishnong, East Jaintia Hills District

U president KSU central body u Lambok S Marngar ula plie paidbah ia kane ka kynroh haka sngi ba Ar haka jingialang kaba lyngkot kaba long ha phyllaw kane ka iing ri khynnah.

La iadonlang ha kane ka jingialang naduh ki nongialam bad dkhot ka 7 Thyndai Child Care Institute Cum Counseling Center ka kong F Ryngkhlem Secretary Seinraij Tuber Women’s wing, president Seinraij Tuber u Harvis Phawa, Streamly N Suchen president KSU East Jaintia Hills District unit bad u Kwillness Suchiang general secretary KSU East Jaintia Hills District unit.

U Lambok S Marngar haba kren ula iaraoh iaka seng longkmie ka Seinraij Tuber kaba sdang ia kane ka iing ri khynnah- 7 Thyndai Child Care Institute Cum Counseling Center ban kdup ban btin lynti ia ki hep barit na ka jinglong tmang ka jinglong diaw bad na ka jing artatein ban iaid sha khmat ha ka jingim sha ka lynti ka jingkyrmen.