Da ka kyrteng thymmai jer ka Sorkar ia ki 7 tylli ki surok bad 2 ki jingtei

Syllad | The Rising MeghalayaAugust 3, 2024

Ka Sorkar Jylla lyngba ka jingpynbna bala pynmih da u Secretary ka GAD u Bah CVD Diengdoh ha ka 29 tarik u Naitung 2024 ka pyntip halor ka jingjer da ki kyrteng thymmai ia ki hynniew tylli ki lynti surok ba kongsan bad artylli ki jingtei ia kiba yn sa khot bad jer nangne shakhmat.

Kine ki surok ki kynthup ia ka surok NH-217 sha Iew Baghmara Bong ka ban tip noh kum ka surok Capt.Williamson A Sangma, ka surok na Mawkdok sha Ophis u Syiem ka Sohra kaba iaid lyngba ka Iewbah Sohra sha ka surok Syiem Duwansing Syiem, ka surok na Sohra (gate) Nongsawlia sha Saitsohpen-Mawsmai sha ka surok Thomas Jones Road, ka surok PWD najan Bajengdoba UP School haduh ka Iingsah u Ullum R Marak kum ka surok Ullum R Marak, ka surok na Iingdorbar ka Mawkhar sha Jaiaw Langsning kum ka surok Doctor Hugh Gordon Roberts Road, ka surok na Holy Cross Hospital sha ka surok Bishop George Mamalassery bad ka surok na ka ophis u SP ka WGH sha ka Police Reserve sha ka surok Rel Deo Sangma.

Kumjuh ruh ia ka Raitong Building la pynkylla kyrteng sha ka Lum Shyllong Building bad ia ka GNM School of Nursing Nongpoh sha ka GNM School of Nursing Pahamsyiem Nongpoh.

Ka kyrteng jong ka shnong Lumbatngen (Law-u-Sib) kan neh Lumbatngen.