Da ka Lasubon & Paila Ksiar pynkut ka KKC Seinraij Niamtre Ummulong ia ka Taiaw lehke kut snem 2023

Syllad | The Rising MeghalayaJanuary 2, 2024

Ka Khynroo khyllood committee Seinraij Niamtre Ummulong haka 31/12/2023 da pynkut ko ia ka Taiaw leh ke kut snem da ka iakop miat kynthai, miat chynrang kawa tip kam ka Lasubon & Paila ksiar 2023.

Ha chwa wow sdang ia ka ni ka ia kop da m ka jingialang wa tbian. Ia ka ni ka ialang da pynlai da u khynroo Samehok Shylla wa man leh kam u Chairman ka KKC-SRNU.

Ki kyntein mait-phang na u Khynroo Samekhatle Lamare secretary KKC-SRNU, Ia ki kyntein kyntu kyrsu na u Wh. Embhahlang Rymbai u General Secretary ka SRNU. Ki kyntein na u kongsan Wh Ram Shylla Advisor iong ka KKC-SRNU. Ki kyntein khublei da ioh na u Khynroo. Iohchwa Miki Lamare asst. Secretary KKC-SRNU.

Ia ka Lasubon Ksiar 2023 da jop da ka khyllood Emitre Lamare na Ummulong, katwa ia U Paila Ksiar da jop da u Khynroo Thranghok Lyngdoh na Wahiajer.

Ia ka kyrdan wa ar da jop da ka khyllood Ibalari Sari wa u khynroo Slowly Sumer. Pyn-ar ngut na ka chnong Mukhla.

Ia ka kyrdan wa Le da jop da ka khyllood Sambun Phawa na Wahiajer, wa u khynroo Seven Son Laloo na Madur.

Ha ka ni ka meit da ioh leh yei rwai pynwyrngia na u Khynroo Kyrkhumiki Passah (K. Myke Passah).

Hadein wa pynkut ia ka program da pynbood sa ka ngoohblai ngoohsyiem na u Khynroo Knermiki Passah.

Ha chwa u pynkut neiliang ka Khynroo khyllood commitee -Seinraij Niamtre Ummulong e khublei snem thymme wasuk wa kmen ia waroh ki khon ka seinraij kamjuh ia ka pyrthai hi waroh .