Da ka Mahindra Scorpio yn pynkhalai nusib ka SRB Upper Primary School Jalyiah, pyllait paidbah u ma Justine iaki ticket

Syllad | The Rising MeghalayaNovember 29, 2024

Ban pynmih pisa na ka bynta ban tei iaka iing skul jong ka SRB Upper Primary School Jalyiah, ka School Managing Committee kala shim iaka sienjam ban pynlong iaka jingmih pisa da kaba die iaki ticket lucky draw ne khalai nusip bad ka fete ha u bnai Kyllalyngkot (January) 2025 bad ia kine ki ticket la pyllait paidbah haka jingialang kaba long ha madan Shad Suk-kara Jalyiah kmai haka 29 tarik Naiwieng.

Ia kine ki ticket lucky draw la pyllait paidbah da u ma Justine Dkhar Ex-MLA 6-Khliehriat LA Constituency haka jingiadonlang ki dkhot ka SMC, ki nongialam shnong ka Jalyiah bad kiwei kiwei ki riew Rangbah ka thain.

La pyniaid iaka jingialang da u Chairman SMC bad Chairman ka shnong Jalyiah, u Ma Harvis Phawa. La ioh iaka jingkren lyngkot na i Janki Dkhar, Shillong Dkhar Waheh Shnong Jalyiah, Leningstar Rymbai Waheh Shnong Pamra Paithlu, u ma Justine Dkhar kum u kongsan ula ai ka jingkyrkhu kydroh bad kitbok kitriang bad khot wer ia baroh ban ai ka jingkyrshan da kaba thied iaki ticket lucky draw ban ioh tei ia kane ka skul ban myntoi ki khynnah ka shnong bad ki shnong ba marjan.

Kiwei kiba iadonlang ki kynthup ia u Secretary Shnong Jalyiah Dening Siangshai, Headmaster u Phrangki Siangshai bad dkhot ka Executive body jong ka shnong bad ki dkhot ka SMC.

Ia ka jingpynkhlai iaka lucky draw yn pynlong haka 22 tarik Kyllalyngkot 2025 ha madan Jalyiah Kmai.

Ki Khusnam (Prize) kine harum:

1st Prize: Mahindra Scorpio Classic S11 (Top Model-Black Colour)
2nd Prize Rs.2,00,000/- ( Arlak tyngka)
3rd Prize Rs.1,00,000/- ( Shilak tyngka)
3 Nos Consolation Prize 5000/- marwei

Ka dor jong ka ticket ka long tang T.30 tyngka, shi book Rs.300.

Ia ki ticket lah ruh ban thied online da kaba phone ha kine ki number mobile No: 8014117174/ 6009927836 / 8974823803/ 7005752108. Yn sdang ban die na duh 07-12-2024.

Lah ruh ban ioh iaki ticket ha Khliehriat, Sutnga, Lad-Rymbai, Phramer, Jowai, Ummulong, Shillong, bad yn pyrshang ban pynpoi sha baroh ki bynta Khasi Jaiñtia. 

U Chairman SMC ma Harwis ula ong ruh ba naka liang ka Fete Committee kumjuh ka Dorbar Shnong ka dap da ka jingsngewnguh ia baroh kiba iadonlang ha kane ka jingpyllait paidbah ia kine ki ticket, khamtam ia u ma Justine Dkhar uba la pyllait iaka por ba kordor jong u ban wan pyllait paidbah iaki ticket.