Da ka Moopun Festival yn pynlong ka MTPEPS

Syllad | The Rising MeghalayaSeptember 24, 2019

JOWAI: Ka Mutong Tourism Promotion and Environment Protection Society (MTPEPS) kan pynlong ia ka tamasa kaba ar ia ia kaba la tip kum ka Moopun Festival 2019 ha  Kshaid Moopun ha ka 27 tarik kaba dei ruh ka sngi rakhe ia ka World Tourism Day bad ha ka 28 tarik une u bnai.

Ha kane ka Tamasa kan don bunjait ki jingiakop bad ruh ka jingiashim bynta da ki skul bapher bapher na East Jaiñtia Hills District. Kan don ka jingiaid kjat da ka kynhun na Jaintia Eastern College, Khliehriat Higher Secondary School, Sein Jait Tuber Hr Secondary School bad kiwei kiwei kiba na Sutnga bad Rymbai.

U Deputy Commissioner ka East Jaiñtia Hills un long u kongsan ban plie ia ka bad u local MLA bad Myntri ka tnad Revenue u ma Kyrmen Shylla un long u kongsan na ka bynta ban pynhap pyrda ia katei ka Tamasa.

Ka MTPEPS ka la khot la wer ia baroh sha katei ka tamasa bad ban mad ia ki jingbam tynrai bad ruh ia ki jingdih ba shngaim ba la shet kyrpang.