Da ka namjop ka Jalaphet Pyrdung sdang Super Division Football ka Saipung Block SA

Syllad | The Rising MeghalayaNovember 17, 2024

Ka Jalaphet Pyrdung kala khur iaka namjop da 4-0 pyrshah iaka Shnongrim haka sngi sdang jong ka Super Division Football Tournament kaba pyniaid daka Saipung Block Sports Association (SBSA) kaba la long ha madan ialehkai ka shnong Lamyrsiang haka 16 tarik Naiwieng.

Ia kine ki saw kol jong ka Jalaphet Pyrdung la thep da u Ker Syrti (2, 32), Biang Shyrmang (42) bad Phrangsngi Pakem (89).

Ia kane ka lympung la wan ban plie da u Ma Pynbait Sutnga bad Ma Nangroi Dkhar haka jingdonlang ki nongialam bad dkhot SBSA.

Ha kane ka lympung ki don 8 tylli ki kynhun ialehkai ba kynthup ka Mulait United FC, Lamyrsiang SC, Narwan SC, Jalaphet Bri-Sumer SC, Tluh SC, Shnongrim SC, Pyrdung SC bad Mulait Bri Sumer SC.

Haka 18 tarik Naiwieng ka jingialehkai kan long hadpeng Tluh SC bad Lamyrsiang SC haka por 11.30 baje mynstep. Narwan SC bad Mulait Bri Sumer haka por 1.30 baje nohphai sngi.