Da ka namjop ka Maitshaphrang Mowtyrshiah sdang ka Second Div ka WJDSA

Syllad | The Rising MeghalayaAugust 23, 2023

Ka Maitshaphrang Mowtyrshiah kala jop da 3-1 pyrshah iaka Caroline Colony, katba ka Nangbah Dukhu kala iakhaid bad ka Khliehmynkrem da 1-1 haka sngi sdang ka Second Division Football Tournament kaba pyniaid da ka West Jaintia District Sports Association kaba long ha madan Kiang Nangbah Stadium haka sngi ba Ar.

Ki kol kiba la thep da u Batskhem Dkhar 63′, Raymon Sten 66′ bad u Arwan Lyngdoh 77 kila biang pura iaka Maitshaphrang Mowtyrshiah ban jop ha kane ka jingiakhun.

Shuwa kine ki lai kol ka Caroline Colony kala tam shakhmat da ka kol kaba la thep u Gestar Light Dkhar 40+1.

Haba phai sha ka jingialehkai ka Nangbah Dukhu bad ka Khliehmynkrem pat, ka Nangbah Dukhu kala tam shakhmat naduh ba sdang ka jingialehkai lyngba ka kol kaba la thep u Ewanmi Pasi 17′. Hynrei shuwa ban wai ka por ka Khliehmynkrem kala ioh iaka kabu ksiar ban pynphai kylla bad tan iaka jingiakhun sha kaba iakhaid. Ia kane ka kol la thep da u Pascal Phawa 76′.