Da ka namjop ka Mynthong sdang U Kiang Nangbah Trophy ka WJDSA

Syllad | The Rising MeghalayaAugust 16, 2022

Ka lympung ialehkai Super Division Football Tournament kaba la tip kum ka ‘U Kiang Nangbah Memorial Trophy’ kaba pyniaid da ka West Jaintia District Sports Association (WJDSA) kala sdang haka sngi ba ar da ka namjop ka Mynthong da 2-0 pyrshah iaka Sohmynting haka jingiakhun kaba long ha Kiang Nangbah Stadium.

Ia kine ki ar kol la thep da u Romaric B Ngueufang (50) bad u Timmy Ryngkhlem (75).

U kongsan uba plie paidbah ia kane ka lympung u dei u District Sports Officer, West Jaintia Hills District u ma Khroobok Passah haka jingdonlang ki nongialam ki dkhot ka WJDSA.

Lashai ka jingiakhun kan long hapdeng ka Sabahmuswang pyrshah iaka Nangbah Mulang