Da ka namjop ka Sabahmuswang sdang ka First Div ka WJDSA

Syllad | The Rising MeghalayaSeptember 27, 2023

Ka Sabahmuswang Sc kala jop da 2-1 pyrshah iaka Mookyndur haka sngi sdang ka First Division Football Tournament- Chatister Kharkongor Memorial Trophy kaba pyniaid da ka West Jaintia District Sports Association (WJDSA) kaba long ha madan Kiang Nangbah Stadium haka sngi ba Ar.

U Dayo Shylla 42’ bad u Lakhon Dhar 47 kila thep ia kine ki ar kol ka Sabahmuswang. Shikol na kaliang ka Mookyndur la thep da u Jomsing Pariat 90’+9.

Ha kane ka jingialehkai la phiah ha ki ar kynhun, kata haka Pool A ki kynthup iaka Sabahmuswang, Mookyndur, Demthring SC, Mukhla Evergreen, Moosyiem Shangpung bad Nangbah Iawmusiang.

Haka Pool B kynthup iaka Sohmynting, Khliehiongriang, Wahiajer, Dulong, Luti Tuber SW bad Moosalyngkat.