Da ka OM yn pynkhreh ka sorkar ban pynjanai ia ka jingtreikam ka tnat PWD: Tynsong

Syllad | The Rising MeghalayaNovember 15, 2023

U Symbud Myntri Rangbah ka jylla uba khmih ia ka Tnat PWD (Roads), u Bah Prestone Tynsong haka sngi Ar u la ong ba na ka liang ka sorkar ka la shim ia ka rai ba kan pynkhreh da ka office memorandum (OM) khnang ban lah ban pynjanai ha kaba iadei bad ki jingtreikam jong ka Public Works Department (PWD) ka Jylla.

Kane ka la wan long ruh hadien ba u Bah Prestone u la khot ia ka jingialang bad ki heh sorkar jong ki laitylli ki Tnat, kata ka Planning, Finance bad ka PWD haka sngi ba Ar.

U Myntri u la ong ruh ba kine ki laitylli ki Tnat treikam ki la ai ia ki jingpynshai kiba bniah halor kawei ka mat, bad kata ka long ban pynjanai ia ka rukom treikam jong ka Tnat PWD, kata la kalong ha kaba iadei bad ka jingshna ia ki surok thymmai lane ka jingmaramot ne pynbha ia ki surok ba la rim.    

Na ka liang u Bah Prestone u la ong ruh ba katkum ka jingsngew ka jong u kane ka long namar mynta ka jylla Meghalaya ka la don ym duna shuh ia ka 10,000 kilomitar tang ki surok lajong ne state road, kata lait noh ia ki surok National Highway bad ki surok ba la aiti sha ka

“Ngi la iakren ia baroh kine ki mat bad shen ngin sa wan ryngkat bad ka office memorandum (OM),” ong u Myntri. “Ha ka jingai jingpynshai, ngi la iakren ruh halor ka jingdonkam ban pyniaphiah kyrdan noh wat ia ki surok hapoh ka jylla khnang ban ithuh kino ki surok bah ne major road, surok rit ne minor road bad kino ki surok shnong ne village road bad kino ki surok kiba iaid kali buh eh,” ong shuh shuh u Myntri.