Da ka power tiller bad ka solar dryer synñiang u ma Comingone Ymbon sha ka Iasnohktilang VO Khliehrangnah

Syllad | The Rising MeghalayaDecember 23, 2020

U Ma Comingone Ymbon u MLA jong ka Raliang ula synniang da ka Power Tiller bad ka Solar Dyer sha ka Iasnohktilang Village Organisation, Khliehrangnah, West Jaintia Hills District.

Ïa kine ki ar tylli ki la pyllait paidbah da u ma Comingone haka jingialang kaba long haka shnong  Khliehriangnah haka sngi Balang.

Ka Iasnohktilang Village Organisation kadei ka kynhun jong 35 tylli ki Self Help Group (SHGs ) kaba la pyniar iaka jingtreikam jong ki da ka Meghalaya State Rural Livelihood Society (MSRLS) Laskein BMMU kaba peit kyrpang ia ka Programme National Rural Livelihood Mission (NRLM).

Ia kine ki kor Powertiller ne ka kor lur bad Solar Dryer ka kor syang dei ki ban pyndon kam ha ka kam thung bad pynrkhriang ia u shynrai. Ia ka kor power tiller la synniang pisa ban thied da u Ma Comingone bad iaka ka kor syang ka Iasnohktilang Village Organisation kala ioh lyngba ka Mission Turmeric jong ka tnad Horticulture Department

Hashuwa ban pyllait paidbah ia kine ki kor la don ka jingialang kaba lyngkot kaba la pyniaid da ka kong Balarishisha Sungoh. La ioh ia kjingkren pdiang na i Kong Witres Langbang bad ka jingkren na ka president jong ka VO ha kaba iadei bad ka jingplie ia kine ki artylli ki kor. La iathuh lyngkot ia ka jingiaid lynti jong ki group haduh ba ki la poi sha ka VO da i kong Bina Sungoh.

U MLA ka thain haba kren ula kyntu jur ia SHGs ba ki dei ban don ka jingiatylli jingiaieit khnang ban wanrah ia ka jingkylla ha ki iing ki sem bad kum juh ha ka imlang ka sahlang bad  u kyntu jur ia ki ba kum ka VO ki dei ban don ka thong ha ka jingiaid lynti.

Ha kaba ia dei bad kine ki artylli ki kor u ban jur ia Iasnohktilang VO b aka dei ba sumar bha ia ki khnang ba kan warah ia ka jingmyntoi ia ki SHGs bad kum juh ruh ia ki paidbah jong ka shnong hi baroh kawei.

U symbud kongsan ma Lurshai Khonglah Gram Sevak ha ka jingkren jong u u la ai ka jingiaroh ia ki SHGs kum juh ia u MLA ka thain ba lyngba jong u ki jia ne kiei kiei bad u kyntu ruh ia ki SHGs ba ki dei ban pyndon kam hok ia kine ki kor khnang ban kan wan rah ia ki jingmyntoi ia baroh ki nongshong shnong.

U Waheh Shnong Khliehrangnah u ma W Sutnga  ula ai ka jingiaroh ia ka jingtrei kam jong ka SHGs lyngba ka VO bad ula ong da ka jingdon jong ki SHGs ki la pynkylla dur ia ka shnong ka thaw bad ia ka ioh ka kot jong ki long iing kiba don hapoh shnong.

U Ma Firmly Stnad Khonglah u ba peit ia kane ka cluster u iaroh ia ka jingtrei shitom jong ka VO kaba lah ban pynioh iakine ki kor na ka bynta ban pynsuk ia baroh ki nongshong shnong kiba don hapoh shnong .

La pynphuh pynphieng ia kane ka sngi da ka jingiashim bynta lang ki dkhot jong ki SHGs kiba don hapoh ka shnong da ki jingrwai, shad bad drama lyngkot.