Da ka Procession Iukharist yn pynkut ïaka jingdap shispah snem ka Kyndongtuber Parish

Syllad | The Rising MeghalayaFebruary 12, 2019

JOWAI: Ka Centenary Celebration Committee jong ka Balang Katholik Kyndongtuber Parish Mooksiang-Phramer, West Jaiñtia Hills District kan pynkut ïa ka jingrakhe jingdap shispah snem ka jingwan ka Balang Katholik ha kane ka shnong kane ka 17 tarik Rymphang da ka jingïaid Procession Iukharist.

Ka jinglehniam da ka jingduwai bad jingrwai kan sdang naduh ka por 9:30 AM haka Sngi U Blei, bud sa ka jingknia Mass bakhuid da ki Lyngdoh Sohblei kum ka dak ka jingainguh bad sngewnguh ïa U Blei uba la kyrkhu kyrdoh ïa ki paidriewngeit jong ka Balang haka jingïaid lynti ïa u mawjam ba shispah snem.

Ka Balang Katholik Kyndongtuber ka khot ka wer ïa baroh ki paidriewngeit ka ka Jylla Niam Jowai ban ïawan shongshit ban ïa sakhilang ia kane ka sngi pynkut ia ka jingrakhe dap spah snem jong ka Balang bad ban ia shim bynta ha ka Possession Iukharist jong ka Parish St. Claret Mooksiang.