Da ka rally ki thuk thuk bad ïamih paidbah pynlong ha nongbah Shillong ban kyntiew iaka Khelo India University Games

Syllad | The Rising MeghalayaFebruary 18, 2024

Ka tnad Sports and Youth Affairs jong ka sorkar Meghalaya haka 17 tarik Rymphang, ka la pynlong da ki prokram bapher bapher bad kiba i shongkun ban long kum ka jingprat lynti ia ka Khelo India University Games kaba saw.

Ha kane ka sngi la pynlong da ka prokram kaba la sdang na Khyndailad kaba kynthup ia ka jingkaweh lama ia ka jingiaid rally ki thuk thuk bad ka jingialum paidbah kaba pynshong shit kaba la khot ka “Flash Mob”.

Ha kane ka sngi ka DC East Khasi Hills District kong RM Kurbah kala shim bynta ha kaba kaweh lama bad ruh ha ka jingialum paidbah ha kaba la don lang ruh kiwei pat ki lynreh ki lyndan.

Haba ai jingkren sha ki paidbah kiba la ialum lymbung ha Khyndailad, ka kong RM Kurbah kala pynpaw ia ka jingsngew kme halor kane ka jingiawan paidbah, ha kaba la khmih lynti ruh ba palat ia ka 500 ngut ki nongiashim bynta kin iashim bynta ha kane ka jingialehkai ban sa long. Ka la ong ruh ba ka Khelo India University Games ka long kum ka shlem kaba ai mynsiem ruh ia ki samla kiba sngewtynnad ha ka jingialehkai.

Ka la kren ruh halor ka jingdon jingiadei hapdeng ka kam ialehkai bad ka pule puthi, da kaba ong ruh ba kine ar ki ia iaid ryngkat ryngkat ban pynkiew ia ki samla. Ka la kam ruh ba ka jingshim khia ia kine baroh ar, ka kam ialehkai bad ka pule puthi ka long kaba donkam na ka bynta ka bha ka miat Jong u briew.

La pynkut ia ka jingiaid thuk thuk bad ka jingiaid paidbah ha Nan Polok ha kaba la don ruh ka jingtem pynshongshit ba la pynlong da ka Meghalaya Grassroot Music Project.