Da ka rally niah cycle pynsngewthuh iaka jingkordor ka vote ha East Jaintia Hills

Syllad | The Rising MeghalayaJanuary 26, 2023

Kum shibynta ban rakhe iaka sngi kyrpang ki nongthep vote, 13^th National Voters Day, 2023,  ka Office u Deputy Commissioner (Elections), East Jaintia Hills District, Khliehriat haka sngi ba Balang kala pynlong iaka Cycle Rally ban pynsngewthuh bad ban pynshlur iaki nongshong shnong khamtam iaki nongthep vote thymmai ban shimbynta haka jingthep vote ne ka election.

Ia kane ka rally la kaweh lama da u Additional Deputy Commissioner, East Jaintia Hills District, Khliehriat Bah A. Nongbri na Lad Sohkymphor bad la pynkut iaka rally ha ophis Deputy Commissioner’s Office, Khliehriat. 

U Bah A Nongbri haba kren ula ong ba ka vote ka dei ka hok jong uwei pa uwei u nongshong shnong bad kum ki nongthep vote dei ban kiar na ka jingshim pisa ne bam pisa ban thep iaka vote. Ula ong ban thep iaka vote dei ban puson bad pyrkhat bha namar ka shi vote kadei ka atiar ban pynim iaka synshar paidbah.

Haba kren shuh shuh halor ka ka phang jong ka National Voters Day 2023 “Nothing Like Voting, I Vote for Sure”, ula ong ba ki nongshong shnong ki dei ban shimbynta shitrhem haka election bad kyntu ia baroh ban pynsngewthuh iaka jingkordor ka vote bad ban pynshlur ia kiba la biang ka rta ban shimbynta haka election ka ban long ha jylla haka 27 tarik Rymphang.

La sam ruh iaki certificate sha baroh kiba shimbynta ha kane ka jingniah cycle da u Additional Deputy Commissioner, East Jaintia Hills District, Khliehriat, U ma J Shylla,