Da ka Run for Unity yn pynlong ha Jowai

Syllad | The Rising MeghalayaOctober 28, 2022

Ka ophis u Deputy Commissioner West Jaintia Hills District, Jowai haka jingiatreilang bad ka ophis u District Sports Officer bad ka District Sports Promotion Society kan pynlong iaka jingmareh Run for Unity kum ka dak ban snohktilang ha ka ban rakhe iaka National Unity Day- Rashtriya Ekta Diwas haka haka 31 tarik u Risaw 2022.

Ka National Unity Day ka dei ka jingkynmaw burom iaka sngi kha u Sardar Vallabhai Patel, u nongialeh laitluid ba wanrah ïaka jingtylli ki Jylla ha ri India.

Kane ka jingmareh kan sdang naduh ka por 6:30 am bad ka Spot Registration na ka bynta ki nongshimbynta kan long ha Kiang Nangbah Indoor Stadium, Jowai haka por 5:30 am.

Ka jingmareh kan sdang na Kiang Nangbah Stadium, Ladthadlaboh Mainroad, Kiang Nangbah Government College, By Pass, Myntdu Bridge, Police Point, New Hill, National Highway bad pynkut biang ha Kiang Nangbah Stadium.

Kumta ka ophis u DSO ka khot wer ia baroh ban wan iashimbynta ha kane ka jingrakhe iaka National Unity Day. Kan don ruh ka khusnam pisa iaki nongjop.