Da ka shuki Co-Chairman pyntngen ka Sorkar MDA & ioh shuki Vice Chairman u president barim ka KSU

Syllad | The Rising MeghalayaJuly 4, 2019

JOWAI: Hadien ka jingshah pynrem kput ha ka eleshon MP ba dang shu dep, ka Sorkar Meghalaya Democratic Alliance (MDA) ka la pyntngen noh ïa kyrtong monlang jong ka bad uba long ruh u MLA barim jong ka Nongthymmai Konstituensi u Dr. Jemino Mawthoh da ka shuki Co-Chairman jong ka Meghalaya State Planning Board katkum ka notification ba dang shu mih shen.

Ka Sorkar ka la thung ruh ia u President barim jong ka Khasi Students Union North Khasi Hills bad u nongialam rangbah jong ka Seng UDP na Ri Bhoi U Bah Rayonald Kharkamni kum u Vice Chairman Meghalaya State Planning Board.

Shuh shuh ka Sorkar ka la thung ia MDC jong ka Jirang u Bah Victor Rani kum ka Vice Chairman jong ka Meghalaya State Planning Board.

Imat ka jingkit jingbah ha ka Meghalaya State Planning Board ka long kaba khia te kumta ka Sorkar MDA ka la thung sa ia u Dr. Premnath G Momin bad u Bimal Saikia kum ki Deputy Chairman Meghalaya State Planning Board

Hadien ka jingrem ha ka eleshon MDC, u Bah Jansing Tynsong u la ioh kyrdan biang da ka shuki Vice Chairman jong ka Meghalaya Commission on Resource Mobilization.

Ka Sorkar ka la thung ruh ia u Sengman R Marak Ex MLA kum u Co Chairman Meghalaya State Development Reforms Commission, u Bah Apsharailang Syiem kum u Vice Chairman jong ka Meghalaya State Development Reforms Committee bad ia u Phillipole D Marak Ex MLA ruh kum u vice chairman jong kane kajuh ka Committee.

Khnang ban pynkhlain ia ka State Government Programme Implementation & Monitoring Committee, ka Sorkar ka la thung ar ngut ki Vice Chairman kata u Gagann Jain bad u Bah Hubert Marbaniang.