Da ka Summer Camp pynman ki skur ha ka thong wa ong ‘Eco-Club for Mission Life’
Ka Ministry of Education, Govt. of India katkam ka thong ka National Education Policy 2020 da pynmih hukum ko ha uni u Naiynnru wow em ka prokram kyrpang ya ki khynnah skur ha waroh ka Ri India kawa tip kam ka ‘Summer Camp’ ha ka theme wa ong ‘Eco-Club for Mission Life’ wei ka wow man nadooh ka 5th-12th June (Naiynnru) 2024.
Hapoh ka Jylla kat kam ka hukum wa da pynmih na ka yung krehkam u State Project Director, SEMAM-SSA ynne ka 5tarik Naiynnru ki skur wa em ha West Jaintia Hills da kitkhia ki wow pynman ya kani ka prokram kat kam ki sarin wa dabooh hajrong ki mat ki phang wapher kiwa man neibynta I myntoi iong ki khynnah.
![](https://www.syllad.com/wp-content/uploads/2024/09/JIT-Vacancy-823x1024.avif)
Kani ka Summer Camp u man ko 7 sngi lynter wei ki nonghikai em ki ka bynta wa khroo wow khrin yei pyrkhat pyrdain ki khynnah chaphang kammon u man ki kitae ki nongchnongchnong nae ki patein kani ka juk kiwa tip u burom, kheinkor yei kyrkhu ka Bei rymaw iow bru pyrthai ha waroh ki liang.
Ki mat ki phang wapher kiwa wa boohthong u klam u batai hapyrdi ki khynnah skur toh kynthup ya ka Adopt Healthy Life style, Adopt Sustainable Food System, Reduce E-Waste, Reduce Waste, Save Energy, Save Water wa ka Say No to Single use of Plastic.
![](https://www.syllad.com/wp-content/uploads/2024/06/Summer-Camp-1.jpg)
Chooh chooh nalor kani ka prokram iow ye ki skur u pynjanai wan yei rukom krehkam iongki ha ka thong iong ka ‘Eco-Club For Mission Life’, ka yung krehkam u State Project Director, SEMAM-SSA da ong leh ya waroh ki skur wow chna nae u sdang noh ki ya ka Eco Club heiwa ki dkhot toh u kynthuplang ya ki khynnah skur, ki nonghikai kamjooh neiliang ki manbei manpa.
Leave a Reply