Da ka tin sop ïing synñiang ka KSU iaka longïing kaba peit bad pyniaid da u khynnah 13 snem

Syllad | The Rising MeghalayaMarch 17, 2021

Ka KSU Jowai Unit kala kner laka kti jingiarap jong ka da kaba synñiang da ki tin sop ïing sha kawei ka longïing haka shnong Mihmyntdu, West Jaintia Hills District haka sngi ba Ar.

Kane ka longiing kadei jong ki 5 ngut shipara kiba la shah ieh khunswet haka shnong Lumpyrtuh, Mihmyntdu West Jaintia Hills District. 

Ka KSU kala synniang da ki tin sop iing khnang ba kane ka iing ka lait na u slap u phiria hadien ba kila ioh jingtip ba kane ka iing ka dei kaba peit bad pyniaid tang da uwei u khynnah uba 13 snem ka rta, hynrei ula kit iaka lyngkor kaba khiah ban peit iaki para bad ban pyndap iaka jingdonkam ka iing ka sem.

La leit ban aiti ia kine ki tin da u Ewanmi Phawa vice president Jowai Circle bad u president ka KSU Jowai circle Ioanis Suchiang, General Secretary Jowai Circle Pharaki Howni Thubru bad u General Secretary Jowai Unit S Paslien bad kiwei kiwei.