Da ka webinar bad freedom run ha East Jaintia Hills pynlong u DSO ban rakhe laitluid ka Ri India

Syllad | The Rising MeghalayaAugust 12, 2021

Kum shibynta ban rakhe iaka sngi laitluid ka Ri India India@75, kaba tip kum ka Azadi Ka Amrit Mahotsav, ka ophis jong u District sports Officer, East Jaintia Hills kala pynbna ba kan pynlong iaka webinar haka 14 tarik august 2021 halor ka phang,” U Kiang Nangbah kum u Nongialeh laitluid  ka Jaintia Hills”.

Ka mareh ‘Freedom Run’ kan long haka 15 tarik. Ia ka jingmareh yn sdang haka ppor 7 baje mynstep naka ophis jong u DC Khliehriat, haka jaka ba don u mot sah kynmaw u khlawait ka ri U Woh Kiang Nangbah.

Ka jingpynrung kyrteng iaki nongiashim bynta kan long shwa ka jingiamareh. Ka jingia mareh kan long naka bynta ia baroh, kat kiba kwah iashim bynta.