Da ka Wildlife Samaritan la pynkup burom iaki 35 ngut kiba ioh pyllait iaki mrad ha rilum Jaintia

Syllad | The Rising MeghalayaOctober 19, 2022

Ka ophis jong ka Divisional Forest Officer, Jaintia Hills Wildlife Division kala pynkup burom iaki 35 ngut da ka Wildlife Samaritan Award haka sngi pynkut iaka Wildlife Week Celebration ha iing dorbar ka shnong Raliang haka sngi ba Ar.

Kine ki 35 ki nongshong shnong kiba ioh pyllait iaki mrad khlaw ki dei na East Jaintia Hills bad West Jaintia Hills District.

Ia kane ka taiew lehkmen ban pynsngewthuh bad hikai ban iada bad pynneh pynsah iaki mrad  khlaw la sdang naduh 10 tarik u bnai Risaw da ki jingiakop Drawing/Painting, Quiz, Eassy bad Extempore speech ki ba la shim bynta da ki khynnah skul bad la sam ruh iaki khusnam sha ki nongjop.

Na West Jaintia Hills District kiba shah pynkup burom ki don 29 ngut bad kine ki kynthup ia u Wompher Suting na Sohphoh, ka Wanisha Lyngdoh bad ka Nidapyntngen Dkhar na Mookaiaw, u Recreation Bareh na ShilliangMyntang, u Dayoomonmi Bareh na ShilliangMyntang, ka Mira Gashnga na Moomon Mihmyntdu, u Lakstar Suchiang na Thadmuthlong, u Manhawni Rymbai na Lad Mukhla, ka Dawanhun Shadap na Mihmyntdu, u Teibha Suna na Mukhla Nongrim, u Riwis Pyrphet na Mawkyndeng, u Bait Phalangki na Nartiang, u Wanbun N Dkhar na Moopyllaitsyier Khliehtyrshi, ka Hamsynta Suchiung na Laskein, u Nathaniel Marwein na Ummulong, u Tremiki Joseph Passah na Khonshnong, u Marwei Manar na  Amlanai, u Alnot Langshiang na Amsyrwai, u Nibanri Biam na Saba, u Charles Sumer na Lad Mukhla, u Ebanseus Shulla na Ummulong, u Tipmiki Shylla na Sabahmuswang, u Pynbiang Muruh na Tyrshang, u Phaitki Suna na Mukhla, u Soolang I Pale na longlwit, u Nipaya Dhar na lalong, u Nijanbha Lakiang na Chyrmang, u Riship Mylliem na Moomon Mihmyntdu bad ka Komnehi Phawa na Wahiajer.

Na East Jaintia Hills District ki don 6 ngut, kine ki dei u Deibor Suchiang  wa ka Rita Pakyntein na Ladrymbai Dongwah, ka Bornalee Kharlukhi na Mawlailawrynghep, ka Aiba Lamare wa u Robert Carlos Wahlang na Sutnga bad u Prosper Pyrngai na Umkiang.

U kongsan u dei u Principal Chief Conservator of Forests (Biodiversity & Wildlife) bad Chief Wildlife Warden, Meghalaya S.M Sahai, IFS bad u symbud kongsan Conservator of Forests (M&E) PK Agrahari, IFS ha ryngkat ka kong N. Laloo, MFS, Divisional Forest Officer kila pyllait paidbah iaka kot kiba la shondur ha kylleng ki jaka East Jaintia Hills bad West Jaintia Hills District ka ba la ai kyrteng, ‘Mammals of Jaintia Hills’.

U SM Sahai haba kren ula ong ba ka jingrakhe iaka wildlife week ka dei ban pynsngewthuh bad hikai iaka ban tyngkai iaki mrad ki mreng bad ki khlaw ki btab.

Ula iathuh ba ruh ba ka skim Integrated Development of Wildlife Habitats’ (IDWH), ka tnad kam khlaw da ka jingiatreilang bad ki kynhun bapher bapher  kala ithuh 22 tylli ki jait mrad kiba kynthup  iaki 16 jait kiba im ha ryngkew (Terrestrial) bad 6 jait kiba im hapoh um (aquatic life). Ha Jylla lyngba kane ka skim la ialeh ban pynneh pynsah ia u Clouded Leopard ne u State Animal.  

Kiwei kiwei kiba kren ki kynthup ia u PK Agrahari, Dolloi Raliang Elaka & Chairman Ka Khloo Blai Ka Kur Lyngdoh Raij Raliang Community Reserve, u ma Chawas Lyngdoh, u Range Forest Officer, I/c Jowai Wildlife Range, S Law uba la pyni ha pyrda (screen) iaki jait mrad ha rilum Jaintia, Chairman Ka Khloo Blai Ka Raij U Langdoh longlang Community Reserve, Rikut Parien, kong N Laloo, MFS, Divisional Forest Officer bad kong M. Suchiang, Forest Pleader.

Ia ka jingialang la pyniaid da u S. Budnah, IFS, Divisional Forest Officer, Social Forestry Division, Jaintia Hills, Jowai bad la pynkut ia ka jingialang da ki kyntein khublei na u S. Ch. Sailo, MFS, Assistant Conservator of Forest, Social Forestry Division, Jaintia Hills, Jowai.