Da ki bus pynkhreh ka Sorkar ban leit shaw ia ki paidbah ban sakhi ia ka ‘Durand Cup’

Syllad | The Rising MeghalayaAugust 1, 2024

Ka Sorkar Jylla ka la pynkhreh da ki 18 tylli ki bus ki ban leit shaw ia ki paidbah na kylleng ki jaka ban wan sakhi halor ka jingplie ia ka lympung ialehkai phutbol “Durand Cup 2024” ka ban long lashai ka sngi 2 tarik ha JN Stadium Complex, Polo, Shillong.

Kine ki bus kin kit kat ia kiba wan shwa (first-come, first-served) bad khlem da donkam ban siew pisa. Hynrei donkam ban don ia ki na ka bynta ban sakhi ia ka jingialehkai, kata kawei ka tiket na ka bynta marwei bad ia kiba dei ban pyni ban ioh shong ha kine ki bus.

Ki khynnah ruh ki donkam ia ki tiket ban wan sha kane ka lympung. Kine ki bus kin leit buh ruh ia ki paidbah hadien ba la kut ka jingialehkai, kata kat kiba kloi shwa bad ia kiba yn pynieng ha ki jaka ba la pynkhreh.

Ki paidbah ki lah ruh ban wan da ki kali kiba ki shu ia wai lang, ki kali kamai lane da kaba iaid kjat. Na ka bynta ki jaka pynieng kali ruh kan shong beit ha kiba wan nyngkong hapoh SRGT parking lot. Nalor kata la pynkhreh ruh ia ki jaka pynieng kali ha lynti ka surok FCI sha Lumjingshai (MeECL Gate), hapoh MeECL, Golflink internal parking, shiliang surok jong ka Golfclub sha PTS, Golf Tri-junction sha Tiara Restaurant, Tiara Restaurant sha CM Connect Office, State Convention Centre, marpyrshah Shillong Municipal Board Office bad ha shilynter ka surok BK Bajoria sha PGT.

Ki lynti iaid jong kine ki bus ba la pynkhreh ki long:

1. Lad Smit – Nongthymmai – Fire Brigade – Barik – Raj Bhavan – BJP Office; 

2. Madanrting Police Station – Nongthymmai – Fire Brigade – Barik – Raj Bhavan – BJP Office;

3. Nongthymmai – Fire Brigade – Barik – Raj Bhavan – BJP Office; 

4. Fire Brigade Bus Stand – Malki – Barik – Raj Bhavan – BJP Office; 

5. Laban Last Stop – Civil – IGP – Raj Bhavan – BJP Office; 

6. 7th Mile Upper Shillong – Umshyrpi – IGP – Raj Bhavan – BJP Office; 

7. 3rd Mile Petrol Pump – Umshyrpi – IGP – Raj Bhavan – BJP Office; 

8. District Council Junction – Umshyrpi – IGP – Raj Bhavan – BJP Office; 

9. Mawiong 1st Battalion – ISBT – Mawlai Bypass – Mawlai Mawroh – Golf Link Tri-junction; 

10. Mawlai – Petrol Pump – Phudmawri – FCI – Lumjingshai (MeECL); 

11. Mawlai Phudmawri Stand Bus – FCI – Lumjingshai (MeECL); 

12. Mawpat Taxi Stand near Block Office – Shyiap – Tiara Restaurant – CM Connect Office; 

13. NEIGRIHMS – Itshyrwat – Nongmensong – Lailad – BDW – Tiara Restaurant – CM Connect Office;

14. Nongrah – Umpling Junction – Umpling Football Ground – Itshyrwat – Nongmensong – Lailad – BDW – Tiara Restaurant – CM Connect Office; 

15. Rynjah Market – Lapalang – Nongrah – Umpling Junction – Umpling Football Ground – Itshyrwat – Nongmensong – Lailad – BDW – Tiara Restaurant – CM Connect Office; 

16. Itshyrwat – Nongmensong – Lailad – BDW – Tiara Restaurant – CM Connect Office. 

Ka por ba kine ki bus kin wan poi kan long 11 baje mynstep bad kan kit ia ki briew kiba angnud ban leit sakhi ia katei ka jingialehkai ha JN Stadium ha ka por 11:30 mynstep.Ia ki khyrdop ban rung sha katei ka madan yn plie na ka bynta ki paidbah ha ka por 12:30 mynsngi.