Da ka Engineering College ai sngewbha Independence Day iaka West Jaiñtia Hills District

Syllad | The Rising MeghalayaAugust 15, 2024

Ha kano ka dur ong, ka dei ka jingai sngewbha Independence Day iaki paidbah ka West Jaintia Hills District, ha kaba u myntri ka bording ka jylla Meghalaya u AT Mondal ha ka 15 tarik Nailar, u la pynbna ban seng ia ka Engineering College kaba thymmai ha Jowai bad ha Ampati, South West Garo Hills nalor ba la buh ia ki polytechnic kiba thymmai ha Ri-Bhoi, West Khasi Hills, East Garo Hills, bad South Garo Hills.

U Mondal u la pyntip ia kane haka jingkren ha madan Jrisalein, Jowai hadien ba u la pynher ia ka lama rlai rong i India ha ka jingrakhe 78^th Independence Day kaba la pynlong da ka bor synshar District, West Jaintia Hills District.

U Mondal u la pyntip ba la shna haduh 38 tylli ki Eklavya Model Residential School ha kylleng ka Jylla khnang ban pynduna ïa ka jingpep skul shiteng por ki khynnah kiba hapdeng ka kyrdan VI haduh XII. U la pyntip ruh ba dang shna thymmai iaka jaka pule ba thymmai jong ka College of Science & Commerce ha Mahendraganj, West Garo Hills bad ha Mawphlang, East Khasi Hills District.

U la iathuh ruh ba nalor kata, la ai jingiarap sha ki 21 tylli ki People’s College katba ka College of Engineering jong ka sorkar Shillong, ka College of Architecture & Urban Planning, ha Shillong bad ki Model Degree College ha Patharkhmah bad Rongjeng ki la pynkhreh ban pynkhlain ia ka jinghikai ha ka liang ka jingnang jingstad. ha Meghalaya. U la pyntip ruh ba ka Captain Williamson Sangma State University ka la pynkhreh na ka bynta ban sdang ia ka jingpule kum ka skulbah ba nyngkong eh jong ka jylla Meghalaya.

Haba pyntip ba palat T. 800 klur la mang na ka bynta ban kyntiew ia ki jingtei ialehkai, u Mondal u la ong ba ka madan ialehkai ka ban niam 20,000 ngut ha Mawkhanu la pynkhreh ban long ka jaka pdeng jong ki jaka ialehkai na ka bynta ka thain shatei lammihngi baroh kawei bad ka sorkar ruh ka dang shna palat ia ka 50 tylli ki madan ialehkai kynthup iaki madan phlang plastic (artificial turf) bad ki jingtei na ka bynta ki indoor sports ha baroh kawei ka jylla.

U myntri bording u la pyntip ba ban pynkhlain ia ka skilling ecosystem jong ka jylla Meghalaya ha man la ki kyrdan, la thmu ban shna ia ka world class Skills & Innovation Hub ha New Shillong Knowledge City katba u la bynrap ba ka jingtyrwa ban shna ia ka Skills Park ha Tura ruh ka dang iaid shakhmat.

U Mondal u la ong, “Ngi dang pynkhlain ia ka ain Meghalaya Identification, and Registration (Safety & Security) of Migrants Workers Act, 2020 da kaba wanrah ia ki kyndon ba dei ban pynshisha da ki pulit (compulsory police verification) na ka bynta ban pynrung kyrteng ia ki nongtrei na kiwei pat ki jylla. Ngi pynkiew ruh iaka kuna lada ym bud ryntih iaka ain da kaba dain kuna na T. 5,000 sha ka T.1 lak bad  ia kiba pynkhein ain bunsien da kaba jingshah set phatok haduh 3 bnai.”

U la pyntip ruh ba ka Sorkar mynta ka dang shna palat 15 tylli ki projek sam um ha ki jaka sor kum ka Greater Shillong, New Shillong, Nongstoiñ, Baghmara, Ampati bad Williamnagar ban pynbiang um ha kitei ki jaka katba u la bynrap ba lada kheiñ lang, kine ki projek ki long kiba kordor palat T. 2,500 klur.

Ula bynrap ba ka Meghalaya mynta ka pynlut bun tam ha ka koit ka khiah haba ïanujor bad baroh kiwei pat ki jylla jong ka ri India, ha kaba palat 9% na ka mang tyngka jong ka Jylla la mang na ka bynta ka koit ka khiah, u Myntri ula ong ba ka jingpyrshang jong ka Sorkar ka la wanrah ïa ka jinghiar kaba 47% ha ka jingïap jong ki longkmie bad ka 30% ha ka jingiap jong ki khyllung. U la ïathuh ruh ba ka Sorkar ka dang trei ban plie noh ïa ka Shillong Medical College ha kane ka snem pule ban wan katba ka jingtrei ïa ka Tura Medical College ruh ka dang ïaid shakhmat.

U Mondal u la iathuh ruh ba hadien ka jingjop ban shna bad pynbha iaki surok haka bynta ba nyngkong jong ka Meghalaya Integrated Transport Project, ka sorkar pdeng ka la ai jingmynjur sa T 2,000 klur na ka bynta ban pyntreikam ia ka bynta ba ar hapoh ka Meghalaya Economic Growth Accelerator (MEGA) Ka projek jong ka Corridor.

Haba pyntip ba ka New Power Policy 2024 ka thmu ban pynmih ar shah ha u snem 2030, u Myntri ula ong ba ka Ganol Hydroelectric Project ba la sdang dang shen ka la pynkiew ia ka bor pynmih bording jong ka Jylla da 22.5-megawatt katba ka bor pynmih bording jong ka Umiam-Umtru Stage 3 Hydro Eletric Project la pynheh ia ka jingpynmih bording na ka 60 sha ka 66 megawatts. U la ïathuh ruh ba dang shna ruh ïa ki buit ban pynroi ïa ki jaka pynmih bording (biogas) ha ka Jylla.

U la ïathuh ruh ba hapoh ka Revamped Distribution Sector Scheme ki kam kiba shongdor haduh T. 904 klur ki dang ïaid shaphrang ban pynkhlaiñ ïa ka rukom sam bording kaba lah ban pynduna ïa ka jingduhnong bad ban pynbha ïa ka jingpynbiang bording bad kumba 55,000 tylli ki ïing thymmai yn pynïasoh da ka bording ha ka jinglut kaba T. 450 klur tyngka.

Haba pynpaw ba ka Sorkar ka la pynkhreh bun tylli ki projek kiba shongdor palat T.2,000 klur na ka ban ioh bei tyngka ki riew shimet, u Mondal u la ong ba ki jaka sah (glamping) kiba dang pynkhreh ha ki hynriew tylli ki jaka ba kynthup ïa ka Umiam, Sohra, Nokrek, bad Nartiang kawei kawei kaba lah ban buh 350 tylli ki jaka. U la ïathuh ruh ba ïa ka Sohra Waterfall Trail bad Mawmluh Cave Experiential Centre la mang hapoh ka skhim Swadesh Darshan katba ïa ki jingthmu ban pynroi ïa ki Mawbynna ha Nartiang bad ïaka ‘law kyntang Mawphlang ruh la phah sha Ministry of Tourism.

U myntri bording u la ong ba ka sorkar ka la pyntreikam ia ka Digital India Land Records Modernization Program kaba kynthup ia ka Cadastral Survey, ka jingpynlong digital ban buh jingthoh iaki jaka puta, bad leh computerised iaka ophis sub-registrar. U la ong ruh ba ïa kane la pntreikam haki lai tylli ki Autonomous District Council ban pynbha iaka rukom buh jingthoh iaki jaka puta ki Autonomous District Council bad ka Sorkar Jylla.

U Mondal u la ong ruh ba ka jinglong jingmanha Jylla ka long kaba suk kaba sain bad ba ka jingiakren ban pynbeit pud bad ka Assam ka la iaid shakhmat na ka bynta ki hynriew tylli ki jaka kiba dang sah.

U la pyntip ruh ha kaba iadei bad ka jingklumar ha Bangladesh, na ka liang ka sorkar kala pynkhlain iaki bor pahara ha khappud India Bangladesh bad ka sorkar kala pynkynriah ruh iaki samla pule na kane ka ri. Ula ong ruh ba ka sorkar kala sdang iaka rynsan online ban shim jingkhein ia kiba trei shabar ri bad bad ki samla pule