Da ki hajar ngut wan iashim bynta ha ka jingiakob mareh ba la pynlong da ka Seng Khasi Kmie

Syllad | The Rising MeghalayaMarch 2, 2025

 Da ki hajar ngut ki nongiamareh thong ki la wan iashim bynta ha ka jingiakob mareh ba la tip kum ka ‘Sarong La Ka Jong Run’, ia kaba la khot pynlong da ka Seng Khasi Kmie ha ka 1 tarik Lber 2025, kaba long ruh kum shi bynta ka jingrakhe ia ka lyngkhuh snem kaba 125 naduh ba la seng ia ka Seng Khasi.

Ha kane ka jingiakob la wan iashim bynta shitrhem naduh ki samla, kynthei bad shynrang kumjuh kiba la san ha ka rta.

La nang pynphuh pynphieng shuh shuh ia kane ka jigiakob da ka jingwan ban iashim bynta da iwei I riew kynthei ba pawnam ka jylla bad iba la ioh pdiang ruh ia ka khusnam Kiang Nangbah Award I kong Kmoin Wahlang.

La pynlong ia kane ka jingiakob ha ka 10km open, 10km na ka bynta kiba 50 snem shaneng, 5 km Open bad 5 km na ka bynta ki paid Niam Khasi Niam Tre.

Ia kane ka jingiakob la sdang na lympung Weiking Jaiaw, Shillong bad pynkut biang ha kane ka juh ka jaka.

Hadien kane ki nongpyniaid ki la sam ruh ia ki finisher medal sha man la ki nongwan iashm bynta kba pyndep ia ka jngiamareh ka jong ki, bad ha ka juh ka por la pynkup burom ruh ia kong Kmoin Wahlang.

Ha kaba kut jong ka jingiakob, ka la don ka jingsam ia ki khusnam, ha kaba ki nongjop jong ka 10 KM Open ki la ioh ban khung ia ka song pisa kaba long T. 8 hajar, 10KM ia kiba 50 snem shaneng la ai ia ka song pisa kaba T.4 hajar katba ki nongjop ha ka iakob mareh kaba 5KM ka song pisa ka long mar T.5 hajar.

Ia kane ka jngiakob la pynbit pynbiang da ka ka Program Committee 125 Years ka Seng Khasi Kmie. Shwa ban sdang ka jingiakob mareh, la ioh ka jingkren na u President ka Seng Khasi Kmie u Rgh O. Pyngrope, bad hashwa ban sam ia ki khusnam sha ki nongjop, la ioh ia ka jingkren na u Chairman ka Program Committee 125 Years u Rgh P.D Nongrum.

Ki nogjop ha ki jingiakob bapher bapher ki long kumne:

10km open category (male):
1st – Rishanmehi Ryngkhlem (37 min, 10 sec)
2nd – Aiborlang Wanniang (37:15)
3rd – Hasebinson Marwein (37:20)

10km open category (female):
1st – Lari Marbaniang (46:58)
2nd – Angelista Syiemlieh (47:18)
3rd – Phyrnai Kyndait (47:20)

10km above 50 years (male):
1st – Badon Sing Tham (44:10)
2nd – Swonding Mawlong (47:15)
3rd – Jelin Sing Lyngdoh (47:47)

10km above 50 years (female):
1st – Menamary Wahlang (55:43)
2nd – Rolinda Wanniang (1:02:00)
3rd – Ihlingda Wanniang (1:03:00)

5km open (male):
1st – Iwell John Ramsiej (16:36)
2nd – Daioo Himitre Suting (17:24)
3rd – Jines Fulson Hoojon (17:30)

5km open (female):
1st – Marqueenless Ramsiej (20:19)
2nd – Daplin Wahlang (20:50)
3rd – Lyntijingkyrmen Kharjahrin (21:31)

5km Niam Khasi/Niamtre (male):
1st – Dabit Dkhar (16:47)
2nd – Knerlang Phawa (16:50)
3rd – Dasaman Kyndait (16:55)

5km Niam Khasi/Niamtre (female):
1st – Balasukdor Pathaw
2nd – Ribika Dkhar
3rd – Dakahi Kyndait