Da ki kymbor ai sngewbha ki shi paralok iaki longiing ha Thangrong

Syllad | The Rising MeghalayaDecember 16, 2023

Kum shibynta ka jinglehkmen Khristmas na ka liang u Ma Pyndap Shadap, C Phawa, H. Sungoh ha ryngkat ki paralok bad u Ma Dawan Lyngdoh MDC Mynsngat Khanduli ki la ai sngewbha da ki kymbor kup thiah kiba syaid sha ki paidbah nongshong Shnong jong ka Thangrong kaba tip kum ka Jrilaskor ha ki paid Karbi.

Hashwa ban sam ia kine ki kymbor la pynlong ia ka jingialang ba lyngkot ha kaba la pdiang sngewbha ia ki da u Chairman Shnong u Ma Kwit Khyrwang ryngkat ka jingiadonlang ki Rangbah ki longkmie bad ki hep barit.

La ioh ia ka jingkren na U Ma P Shadap, S Phawa, L Sungoh bad na u MDC kiba la pynpaw ba kum ka dak ka jinglehkmen Khristmas ki la shim ia kane ka lad ban iarap da ine i jingai barit sha ki paradoh para snam kiba sah sha thain khappud kiba ju mad ia shibun ki jingeh ha ka jongim ba manla ka sngi.

Na ka liang u Ma Dawan Lyngdoh MDC u la ai mynsiem ia kine ki paradoh para snam kiba don sha kane ka thian ban long kiba sian bad ban iatylli ha kaba iadei bad kino kino ki kam bad ki jinglong jingman.

Ha shwa ban sam ia ki jingai sngewbha la ioh ia ka jingduwai na i bah W War bad la ai ia ki jingai sngewbha da kine ki riew rangbah.