Da ki marbam synniang ka Dalmia Cement ha Sonapyrdi

Syllad | The Rising MeghalayaApril 13, 2020

Ka Dalmia Bharat Cement Ltd, Thangskai East Jaintia Hills mynta ka sngi 13.04.2020 ka la ai jingiarap ha Shnong Sonapyrdi, Elaka Narpuh East Jaintia Hills daki marbam ba kynthup ia u khaw, shini, jhur, sabon, hand sanitizers, umphniang bam, mluh, piat, phan bad kiwei kiwei de ki jingdonkam ha iing ha sem sha ki 35 tylli ki long iing ba duk ha Sonapyrdi.

Ha shwa ban sam ia kine ki tiar bam la ioh ban pynlong iaka jingialang kaba lyngkot ha kaba la pyniaid da u Chairman ka Shnong Bah Ning Mynthoi bad la ioh ruh ka jingkren na u General Secretary ka Shnong Sonapyrdi Bah Daiapherbha Lamare ha kaba u la sngew nguh eh ia ka Dalmia Bharat Cement Ltd ban iarap ia ki briew ba duk jong ka shnong ha kum kane ka por.

U la iaroh ia u Abhijit Paul uba long u heh Ka CSR Department ka Dalmia Bharat Cement Ltd ha ka por kaba lyngkot u sngap ia ka jing kyrpad  jong u ban iarap ia ka Shnong.

Na ka liang ka Dalmia la ioh ka jingkren na u Khambor Rymbai ha kaba u la ong ba ka jingiarap jong ka Company kan dang iai bteng nangne sha khmat bad khamtam ban iarap ia ka roi ka por jong ka thain.

La ioh ka jingkren khublei na u Kwilness Suchiang ha kaba u kitbok kitrwiang ia ka Company ba kan nang iai kiew Shaphrang bad khamtam ruh ban noh synniang sha ka imlang sahlang.