Da ki pla pynlang ñiut sam ka JSU sha ki nongniah kali bad paidbah haka World Environment Day
JOWAI: Ka Jaiñtia Students’ Union (JSU), War Jaiñtia Circle kala rakhe ïaka World Environment Day (WED) da kaba sam ïaki pla pynlang ñiut ha kali bad kala sam ruh sha ki nongniah kali ban pynsaphriang ïaka khubor ba ym bit ban bret pathar ïaki niut ki nier kat shaba lap bas hem.
U President ka JSU War Jaiñtia u Eddy Kerry Pohtam, u General Secretary u Kerrydiam Lamin, u Vice President u Jai Pohshna bad kiwei pat ki para dkhot ka seng ki la kyrpad ia baroh ba ym dei ban bret pathar ïaki jaboh jabain ban pynjakhlia ïaka mei mariang bad ban pyndonkam da ki pla thep ñiut ha ki kali.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka JSU ban pyn saphriang ïaka khubor halor ka jingkongsan ka jinglehkhuid ha War Jaintia kala sam paidbah iaki pla niut ban wanrah ka jingkhuid ki jungsuba ha ki jaka jngohkai ba paw kum ka Dawki, Darang bad Shnongpdeng, ka Kshaid Krangsuri ha Amlarem, ka Krem Pubon ha Shnong Syndai, ka jingkieng jri ba ar mala ha Kudengrim bad kiwei kiwei
Ka JSU kala dawa na ka sorkar ban pyntreikam ïaka District Mineral Fund ha ki jaka ba shah ktah na ka jingtih maw, maswhun ha Ri War Jaintia. Ka JSU ka la dawa na ka sorkar Meghalaya ban pyndonkam ia kane ka pisa khamtam ha kaba shna ia ki Water Treatment Plants, Sewage Treatment Plants, ka jingsam ia ki umbam umdih, ban pynbha biang ïaki jaka ba shah pynjulor ka mariang kum ka shnong Nongtalang, Rhongkum, Amlympiang, Amdoh kiba ioh ïaka um bam umdih ba jakhlia.
Nalor kata ban pyndonkam ïaka pisa DMF haki skul bad ki shnong ki thaw ha ki kam pynroi bapher bapher.
Ka JSU ka ïaroh ia u Myntri Rangbah duh ka jylla, u Conrad Sangma ha kaba pynlong ia ka One Citizen One Tree Campaign haka jylla.
Leave a Reply