Da ki PPE kner jingïarap ka KSU Namdong ha Sister of Charity Convent

Syllad | The Rising MeghalayaJune 4, 2021

Ka Khasi Students’ Union (KSU) Namdong Area Unit kala kner iaki kti jongiarap jong ka da kaba synniang da ki PPE bad ki Mask sha ka jaka ai jingsumar jong ki Sister of Charity Convent kaba don ha Namdong haka sngi Palei.

La leit ai ia kine ki tiar da u Chanbor War president KSU, Juhhi Tariang general secretary bad ha ka jingdon lang u organizing secretary KSU JHDU u Liningnard Tariang lem bad ki dkhot ka CEC

Ka KSU kala synniang da kine ki tiar sha ka Sister of Charity Convent ba kin ioh iaki lad jingiada haba ki ai ka jingshakri sha u paidbah ka thain. Ka KSU ka la khublei ruh ia ki sister ba trei hangne namar ka jingdon jong ki ka ai jing iarap shibun ia ki para doh para snam ha kane ka thain ban iakhun iaka khlam COVID-19.