Da ki spah ngut ïashimbynta haka Youth’s Club Development Camp ha Priang

Syllad | The Rising MeghalayaJanuary 24, 2020

JOWAI: Ka Priang Youth’s Welfare Sports Club ha ryngkat ka jingiatreilang bad ka Nehru Yuva Kendra Sangathan (NYKS), Jowai kala pynlong ïaka Youth’s Club Development Camp haka 20 tarik Kyllalyngkot bad la wan ïashim bynta da ki spah ngut ki samla na ki shnong bapher bapher.

U kongsan ha katei ka sngi ula long u Fourstar Rymbui Branch Manager, Rural Bank Iooksi Branch bad haka jingkren ula ïaroh ïaka club ba kala lah ban pynlong ia katei ka programme bad saiñdur bad ban iarap ïaki samla ka thain ba kin jop haka jingim haka kano kano kam.

Ua pynshlur ïaki samla ban mih shakhmat na ka bynta ki kam bha bad khamtam ban ïa shim bynta haka kam ïalehkai ym tang ban byrngia iaki hynrei ka ai ïaki ka met kaba koit ba khiah bad ka lad kamai.

Ïaka jingialang la pynïaid da u Secretary ka Club u Newyearborn Sumer bad la ioh ki ktien pdiang burom na u Banshan Lang Lapasam ki jingkren kyngkot na Waheh Shnong Priang u ma Kyrshan Chulet, u ma Risalan Rymbai dkhot ka Club.

Nalorkata la ioh ruh ki jingkren pynshai shaphang ki lad jingiarap iaki samla na ka ophis NYKS ba la pynshai da u Shembha Lamare, ka Kong Fidia Suting bad ka Kong Ripynskem Lamare.

La pynshong shit shuh shuh ia kane k sngi da ki jingrwai bad jingshad tynrai kum na ka Iaahluti SHG, Shaniahlang SHG, Iah-Yeibha SHG bad na ki samla ka shnong Priang bad haka bynta kaba kut la ioh ki kyntien ai khublei na u samla Riwel Sumer.