Da ki uniform ai sngewbha ka SMC Umkynrut LP & UP School sha ki khynnah skul

Syllad | The Rising MeghalayaMay 11, 2022

Ka managing committee ka Umkynrut LP & UP School, ka skul shnong jong ka Riat Laban Kynjat Phutbol, mynta ka sngi, ka la ioh ia ka kabu ba kan sam ei ia ki uniform skul sha ki khynnah ba wan ban pule ha kane ka skul bad kane ka skul ka dang hap hapoh ka South Shillong Constituency.

Ka jinglah ban ioh sam ia kine ki uniform skul sha ki khynnah ka dei hadien ba  ki dkhot jong ka managing committee lem bad ki nonghikai ba kynthup ia u headmaster bad ka headmistress jong ka LP & UP, ki la wad ia ki lad jingiarap, kum shi bynta ban ioh ban pynsuh ia ki uniform ia ki khynnah ba wan pule ha kane ka skul, kaba bun na ki khynnah skul, ki wan shisha na ki longiing kaba ki kmie ki kpa ki dei tang ki nongbylla sngi.

Mynta ka kynti ka jingioh ban ai ei ia ki uniform sha ki khynnah skul ka dei lyngba u synniang ba la wan ban noh kylluid mynsiem ka jong u bah Raymos Wahlang bad kumjuh na ka liang ka ophis jopng ka raid Laban Dorbar.

Haba ai ia ka jingkren maitphang halor ka jingpynlong ia kane ka prokram mynta ka sngi, u Rangbah shnong ka Riat-Laban Kynjat Phutbol u bah Shaiphar Wahlang u la ong baka la don shuh shuh ka jingpyrkhat ba na ka pisa kaba dang don, la nang pynkhreh ruh ban shna pynbha ia ki jaka leit bar ne ki toilet bad kiwei kiwei de ki kam kiba shah eh hakhmat naka bynta kane ka skul.

Haba kren kum u kongsan ha kane ka jingialang u Rangbah shnong ka dorbar shnong ka Laban u bah Edward Kharwanlang, u sngew ban ong ba ka skul bha la seng d aki longshwa man shwa ka dei kaba ki da trei shitom bad iohi jngai ia kaei kaba ki leh.

Shuh shuh ui la ong ba kane ka skul ka dei kaba donkam eh ha kum kane ka jaka ki long kum ki shlem jingtip ba sain dur kyrpang ia ki hep kiba rit bad u la ong ruh ba u da sngew burom ruh ia ki nonghikai kiba long kiba kloi ban iarap ha kaban sam lem ia ka jinghikai ka jong ki sha ki khynnah, kampher wat nalade shi met um pat shim la lah ban noh synniang eiei sha kane ka skul, pynban hadien ba u la ioh jingtip ba kane ka skul ka don bun ki jingdonkam, kumta na ka liang  ka jong u, u la thaw ia ki lad ki lynti.

Ha kane ka jingwad lad wad lynti, u bah Edward u iathuh ba u la shem bad ia kynduh ia u bah Raymos Wahlang, bad tang ha ka sien ia kynduh kaba nyngkong mar mar u la kylli haei ka don kane ka skul bad wer ia u bah Edward ban ialam kyrpang ia u sha ka jaka ba kane ka skul ka don.

U bah Edward um lah ruh ban khlem da ai khublei ia ki dkhot ka managing committee kiba la kloi ban pyrkhat sani bha ia kane ka kam ban sam da ki uniform sha ki khynnah skul, katno tam lei lei haba ka ka kamai ka kajih bad ka ioh ka kot jong kiba bun ki longiing ha kane ka jaka ka long kaba duna bha.

Haba iadei bad u synniang na ka liang ka Raij, u bah Edward u ong ba kumba ka long ia mynta, khyhndiat ka dopn jingeh ha ka liang ka jinglum ia u synniang u bynhei sha ka iarong tyngka jong ka raij, hynrei wat la katta ruh u la kular ba ma u lem bad u Rangbah shnong kin sa shim khia ban pan ia ka lad jingiarap na ka ophis jong ka Raij khnang ban ioh ban ai sha kane ka skul.