Da kynmoo burom ya ka Founder’s Day and Thinking day ha Jowai

Syllad | The Rising MeghalayaFebruary 23, 2024

Kam wa ki dkhot ka Scouts & Guides Movement wa em ha chityllup ki ri ka pyrthai ha ka 22 tarik Thohlakhmi da leh burom ki ya ka Founder’s Day and Thinking Day kamtae leh ki bor pynlai ka Bharat Scouts and Guides, West Jaintia Hills da pynman ki ka yachemlang wa kyrpang ha yung krehkam ka District Association wa em ha Jowai.

Ha ka yalang iong I leh burom wa da pynlai da ka CD Laloo, District Commissioner Guides, MBSG-WJHD, ka Dolly Lamare, District Organiser Guides WJHD da e ko ki kyntien yahkhmat hajrong ka thong iong kani ka prokram kawa man ka sngikha iong u Lord Baden Powell wa ka Agnes Baden Powell kiwa man ki nongsain nongdang iong ka Scouting ha u snem 1907wa ka Guiding ha u snem 1910.

U DE Pariat, Commissioner MBSG, kam u symbood kongsan iong kani ka prokram hawa e kyntien heiyatoh wa kani ka sngi da e mynsien u ya ki dkhot ka Movement dei wa ong, leh ya ki kam neibynta I miat I bha ka imlang sahlang kat kam ka thong wa ka Nongrim iong ka Scouts-Guides Movement.

Chooh chooh ki kyntien wa kyrpang heiyatoh wa kani ka sngi da pachat da ka S.Tariang, Vice-President MBSG-West Jaintia Hills, kawa da ong,  I yachem ha kam kani ka sngi toh wow wanrah yeitae I sniaw yaman iwi da ka luti iong I ya burom kylliang wei sniaw chipaiu wei wow pyrkhat I ya ki kam wa yatoh wei miat I bha ka imlang sahlang khlem da wanrah nae booh I sniaw yapher.

Hajrong ka theme nae mat kyrpang wa ong “Our World, Our Thriving Future: The environment and Global poverty” ka S.Tariang da kyrsu kyntu ko ya ki dkhot wow thuhlad u pyndoohjait yei dooh I duk wei sahdien, u kyntu kynrong yei purae puthi wei wow sumar sukher u yada pynneh pynsah yei man wa chngain I man I long ki soodng sookun ka Bei rymaw.

Wow pynkhroo chooh yei man kani ka sngi chwa wow ioh ki kyntien khublei na u  C.Gassah, District Organizer Scouts, WJHD da em leh I ekti ya ka Certificate cha ki ar ngut ki Scouts Master kiwa da pyndep ya ka HWB Course na Assam kiwa kynthup iow Adiam u Bthuh, District Secretary MBSG-WJHD wa u Pet Dhar, District Commissioner Scouts, WJHD.