Da leh burom ya ka 75th Republic Day ha Jowai
![](https://www.syllad.com/wp-content/uploads/2024/08/HK-Singh-MS-1024x1024.avif)
Kam wa man ha kiwi ki thaw ya ka 75th Republic Day da leh burom ha ki dur ki rukom wapher, kamtae ha chnong Jowai leh ki bor peit bor pynlai ka District hei peit i ioo ka yung krehkam u Deputy Commissioner da pynman k ii leh burom ya kani ka sngi ha madan Jrisakein heiwa u A.L.Hek, Montri ka Sorkar wa peit ya Animals Husbandry & Veterinary Department dawan u wow pynher ya ka lama le rong ka Ri India hei emlang u B.S.Sohliya, IAS, Deputy Commissioner, West Jaintia Hills, u C.Syrti, Superintendent of Pollice, West Jaintia Hills deilang ki heh sorkar na ki tnat krehkam wapher, ki waheh chnong wa kiwi kiwa cha khut sniawbha.
U A.L.Hek hei e kyntien hapyrdi ki nongchongchnong ka District iwa hakhmat da kdar kynmoo u ya ki nongyalehlaitlooid wa ki nogsaindur ya ka Ri Indi wa thymme hadien i lait ka Ri India nei chha synchar ha ki bor ka sorkar Phareng, neitae chooh chooh da khana pynsniaw u leh ya ki kam kiwa ka sorkar da leh ko ha waroh ki liang kynthup yei chait i khiah, i chongsuk chongsain wei roi i par ha waroh ki liang.
![](https://www.syllad.com/wp-content/uploads/2024/08/NLHSS-Teacher-Required-1-1024x1024.avif)
Ya kani ka sngi da pynphooh pynphein leh dei chimbynta ki khynnah skur, ki pulit, ki NCC, ki Scouts-Guides wei da pynchoh pynwyrngia leh ya ki paidbah da ki chad ki rwai wada chimbynta da ki khynnah skur, ka Seinraij Jwai wa ki dong ki chnat wei da em leh i pynioo rong ki Department wapher chaphang ki skim wa i rukom krehkam iongki.
![](https://www.syllad.com/wp-content/uploads/2024/01/Hek.jpg)
Chooh chooh chwa wow poi ka bynta wa kut iong i leh burom na madan Jrisalein u A.L.Hek da ekti u leh ya ki prize cha kiwa jop iong ka March Past kiwa kynthup ya ka JNV Mukhla, St. Mary Mazzerrello Higher Secondary School, Jowai, wa ka Jowai Govt. Boys Hr. Secondary School neitae cah kiwa jop iong ka Tableau kiwa kynthup ya ka Agriculture Department, District Commerce & Industries Centre, Jowai wa ka Soil & Water Conservation Department, Territorial Dvision, Jowai.
![](https://www.syllad.com/wp-content/uploads/2024/01/Republic-Day-11.jpg)
Iwa kyrpang chooh ha kani ka sngi da e leh ya ki Award cha ka PHC Sahsniang kawa ioh yei nam Best Performing Public Health Centre and Service under Megha Health Insurance Scheme (MHIS) & Ayushman Bharat Pradhan Mantri Jan Arogya Yojana (ABPM-JAY) neitae i e leh ya ka Appreciation Award cha ka Amplias Synnah ABC/264 wa ka Arki Nikhla ANTF katwa kiwi wan ki prokram wa bood chibynta i leh burom ya kani ka sngi toh i lai e bam nae e tiar cha ki Children Home wa em hapoh ka District kiw ada chimbynta da ki sein niam wa ki sein krehmo sniawbha.
![](https://www.syllad.com/wp-content/uploads/2024/01/Sohkha.jpg)
Ha Amlarem Civil Sub-Division leh ya kani ka sngi da leh burom ha Amlarem Govt. Lower Primary School Playground heiwa u Lahkmen Rymbui, Chief Advisor to the Govt. of Meghalaya da pynher u ya ka lama ka Ri India.
Heiwa da pynphooh pynphein ya kani ka sngi da i chimbynta iong ki 7 tylli ki Marchpast Contingent wa kynthup ya ki Pulit wa ki khynnah skur neitae da em leh i chimbynta ki 8 tylli ki Department ha ka Tableau Displayed wa kamjooh leh ki chad ki rwai wad a chimbynta da ki khynnah skur.
U Lahkmen Rymbui ha kani ka sngi da ekti u leh ya ka Award cha u Dapki Shylla, BLO 4 Iongnoh uwa da ioh leh ya ka State Award neibynta i ye iong-o wow e i chakri wamiat wabha cha ki paidbah.
![](https://www.syllad.com/wp-content/uploads/2024/01/Wailad.jpg)
Ha Hima Shagpung leh ya kani ka sngi da kynmoo burom ha madan Hula Moosyiem heiwa u Wailadmiki Shylla, MLA ka 2 Jowai daman u kam u kongsan wow chim ya ka Rashtriya Salute hapyrdi i chimbynta iong ki skur wapher ha ka March Past wa kiwi ki rukom lehke pynwyrngia pynphooh pynphein ya kani ka 75th Republic Day Celebration.
![](https://www.syllad.com/wp-content/uploads/2024/01/Republic-Day-11.jpg)
![](https://www.syllad.com/wp-content/uploads/2024/01/Police.jpg)
![](https://www.syllad.com/wp-content/uploads/2024/01/Roublic-Day.jpg)
![](https://www.syllad.com/wp-content/uploads/2024/01/KJP.jpg)
![](https://www.syllad.com/wp-content/uploads/2024/01/Cutural.jpg)
![](https://www.syllad.com/wp-content/uploads/2024/01/Republic-Day-5.jpg)
![](https://www.syllad.com/wp-content/uploads/2024/01/Cultural-Dance-Republic-Day.jpg)
![](https://www.syllad.com/wp-content/uploads/2024/01/Tableau.jpg)
![](https://www.syllad.com/wp-content/uploads/2024/01/Rpublic-Day-Clutural-Dance.jpg)
![](https://www.syllad.com/wp-content/uploads/2024/01/Republic-Day-3.jpg)
![](https://www.syllad.com/wp-content/uploads/2024/01/Arki.jpg)
![](https://www.syllad.com/wp-content/uploads/2024/01/Tableau-Republic-Day-in-Jowai.jpg)
![](https://www.syllad.com/wp-content/uploads/2024/01/Republic-Day-6.jpg)
![](https://www.syllad.com/wp-content/uploads/2024/01/Agriculture.jpg)
![](https://www.syllad.com/wp-content/uploads/2024/01/Republic-Day-2.jpg)
![](https://www.syllad.com/wp-content/uploads/2024/01/Republic-Day-10.jpg)
![](https://www.syllad.com/wp-content/uploads/2024/01/St-Mary-Mazzzarello.jpg)
![](https://www.syllad.com/wp-content/uploads/2024/01/PArade.jpg)
![](https://www.syllad.com/wp-content/uploads/2024/01/Republic-Day-9.jpg)
![](https://www.syllad.com/wp-content/uploads/2024/01/Govt-Boys.jpg)
![](https://www.syllad.com/wp-content/uploads/2024/01/Shad-Pliang.jpg)
![](https://www.syllad.com/wp-content/uploads/2024/01/JNV-Mukhla.jpg)
![](https://www.syllad.com/wp-content/uploads/2024/01/Republic-Day8.jpg)
![](https://www.syllad.com/wp-content/uploads/2024/01/Soil.jpg)
![](https://www.syllad.com/wp-content/uploads/2024/01/Republic-Day-1.jpg)
Leave a Reply