Da ka Pre-Testing Camp ya ki Scouts-Guides wow yaleh ya ka Rajya Puraskar Award 2024

Syllad | The Rising MeghalayaMay 17, 2024

Ki bor peit bor pynlai ka Meghalaya Bharat Scouts & Guides, West Jaintia Hills ha ka 16 wa ka 17 tarik Naisan da pynman ki ya ka Rajya Puraskar Pre-Testing Camp ha District Headquarter, Jowai.

Ha ki 2 sngi iong kani ka Camp ki Scouts Master wa ki Guides Captain na ki Unit wapher dawan ki wow e I batai, I sikai ya ki khynnah Scouts-Guides chaphang ki bynta wapher iong ka Scouts-Guides Movement wa kynthup nadooh I rukom kdoh tylle (Knoting & Lashing), First-Aid, Compass-Mapping, Whistle Signal, B.P. Exercise, Camping-Hiking wa kiwi ki bynta wa yatoh wa ka Scouts-Guides Movement.

U Adiam U Bthuh, District Secretary da khana wa ka thong I pyman ya kani ka Pre- Testing Camp toh iow ye chooh chooh ki khynnah u pynjanai pynpliah yei tip iongki nadooh I rukom pynkreh ya ki Log Book heitae I rukom wa pliah wa ioosuk wa kiwi ki Practical kiwa hap ki u leh u pynioo hakhmat ki Examiner nae ki bru stad bru chemphang ki wow wan na kiwi ki thaw.

Chooh chooh khana u leh wa ki khynnah Scouts-Guides kiwa ye u leh bha ha kani ka Rajya Puraskar Testing Camp ka wow man ha State Headquarter Shillong nadooh ka 19tarik hadooh ka 25tarik 2024 u ioh ki leh ya ka Award na U Lat ka Jylla kawa jooh e ki man u snem ha u bnai October wei ki khynnah Scouts-Guides kiwa ioh ya kani ka Award u iohlad wan ki u chimbynta nae u pynkhreh wow yaleh ya ka Rashtrapati Award kawa man ka Award wa heh dooh iong ki khynnah Scouts-Guides hapoh ka Ri India ka wow e da U/Ka President iong ka Ri India. 

Ha uni u snem ki khynnah Scouts-Guides kiwa da pynkhreh wow yaleh ya ka Rajya Pursakar Award em ki kamwa 24 ngut ki kynthai wa 12 ngut ki chynrang.