Da pynsangeh ka Sorkar wow tem yei sur State Anthem

Syllad | The Rising MeghalayaJanuary 24, 2024

Kam wa datiplang wa ka 21 tarik Duiatra toh ka sngi wa khroo wa kyrpang iong ka Jylla Meghalaya kawi tip deiwi I kyntien kam ka Meghalaya Day, kamtae ka Sorkar Meghalaya hei peit I ioo ka Art & Culture Department kam chibynta wow booh nam sahkynmoo ya kani ka sngi ha uni u snem da pynlait paidbah ko ya I Sur State Anthem iwa da rwai hei ktien Phareng, Khasi wa Garo khlem da kynthuplang yei ktien Pnar.

Ini I leh ka Sorkar da pyndukha yei man I sniaw iong ki khon ka Ri Jaintia kat hadooh wa damih I ood I nam hakhmat ka Sorkar kamjooh wow dawa pyndooh yeini I sur na ki bor watoh hok tohkti u peit yeini I kam.

Kamtae ka Sorkar katkam ka chithi wada pynmih lyngba u U.Kharkongor, Under Secretary to the Govt. of Meghalaya, Art & Culture Department Vide letter No. MAC.3/2022/ Pt.I/14, Dated Shillong, the 24^th January 2024 wei phah cha waroh ki Deputy Commissioner iong ki District wapher wa em hapoh ka Jylla.

Ha kani ka chithi da thoh wa katkam wa hukum u montri rangbah wa u Chief Secretary ka jylla da phah wow pyndam u tem ya i sur State Anthem ha ka jylla wa ki District.

Ya i phah pyndam u tem ya ini i rwai toh ha ka 26 tarik uni u bnai katkam wa bood ya ka Standard Operating Procedures (SOPs).

Heijooh i por da ong leh ha ka chithi wa ya ini da leh neidaw wa daw pynpliah ya ini i rwai.

Comments

Meshack Hynniewta says

January 27, 2024 at 8:18 PM

Ki nong Jaintia kim dei re tang ki Pnar, ka thaiñ Jaintia hi ka kynthup lang iaki War, ki Bhoi, ki Biate bad ki Pnar, bad lada u Pnar marwei u pan ban kynthup iaka ktien Pnar lajong kaba mut udei uba pyrkhat tang shimet namar ba ki War, ki Bhoi ne ki Biate kim kren iaka ktien Pnar ha thaiñ Jaintia baroh kawei.
Kane ka jingdawa kam iahap satia da leilei ruh namar ka Ktien Khasi hi kala dei ka ktien pdeng na ka bynta ka jaitbynriew Hynniewtrep baroh kawei, te haba iaka jingrwai anthem ka Sorkar Meghalaya la kynthup iaka ktien Garo bad Khasi lem bad ka Phareng, kala long kaba biang eh. To ngin ia sngewthuh ba mangi baroh ngi pyndonkam beit iaka ktien Khasi haka bri u Hynniewtrep baroh kawei kum ka dak ka jinglong shitylli.