Da pynthymme ka Kur Pale ya kiwa kitkam neibynta u snem 2024-27

Syllad | The Rising MeghalayaFebruary 3, 2024

Ynne ka sngi 3 tarik Thohlakhmi (February) ka Kur Pale da pynman ko ya ka Annual General Meeting ha Nartiang heiwa ki khon ka Kur Pale na kyllein ki chnong ki thaw dawan ki wow yachimbynta chongchit dei sniawsarong wow pynkhroo yei pyrtuid in am ka Kur Pale.

Ya ka bynta wa nyngkong iong kani ka yachemlang ki khon ka Kur Pale da pynlai da u Yoki Pale, Vice-President da kdar yahkhmat da ki kyntien duwai na u Rev. HL Pale neitae pynbood i pynher ya ka lama ka Kur da u Dr. Sunday Pale wei da e u leh ki kyntien snein kyntien kroo ya ki khon ka Kur.

Ha ka bynta wa ar iong kani ka yachemlang da em i pynkup burom ya ki khon ka Kur Pale kiwa Pass bha ha ki kyrdan purae wapher heiwa da emlang leh da u Sniawbhalang Dhar, Deputy Chief Minister ka Sorkar kam u kongsan da hei emlang leh u Thombor Shiwat, CEM-JHADC.

U Sniawbhalang Dhar hei klam iong-o ya ki khon ka Kur, da ong u kynmoo i yatylli wei ya maia para khon ka kur toh iwa emkam bha khnang iow ye u wanrah yei miat i bha ka imlang sahlang iong ki khon ka Kur Pale.

Chooh chooh ha kani ka sngi ka Kur Pale daioh ko leh wow pynthymme ya kiwa kitkam neibynta u snem 2024-27 kiwa kynthup iow Elnathan Pale, President, u Yoki Singh Pale, Vice-President, Dr Sunday Pale, Vice-President, Jeming Pale General Secretary, Lamshwa Pale, Asst. General secretary, Seyo Pale, Finance Secretary, Robert Jone Pale, Publicity Secretary, Shitlang Pale wa u Josph Pale, Advisors, Seven Roy Pale & Daohi Pale, Editor wei nalor kini dajied wan leh sa 20 ngut ki dkhot ka Executive Committee wa kynthuplang ya ki Secretary wa ki President iong ki Unit wapher.

Kam ka dak wow pynsah kynmoo ya kani ka sngi ka Kur Pale dei sniawsarong da chim ko leh wow pynkup burom ya ki khon ka Kur kiwa poi chakhmat ha ki kyrdan purae wapher kiwa da em hadooh 17 ngut.

Neilang ka kur Pale e khublei ko yaka JHCMA ka wa da e sniawbha da ki memento sha ka kur ha kani ka prokram.

Chooh chooh ka Kur Pale da pynkhale ko leh iaka Lucky Draw neibynta wow pynmih pisa iaka kur. Ki nombar wa pom toh 1st Prize: 08467, 2nd Prize 03061, 3rd Prize 06725. Consolatiaon Prize: 01109, 03632, 03708, 04454 & 01427.

.