Da u Bah Robertjune yn pynieng ka kynhun synrop RDA ha ka election MP Lok Sabha

Syllad | The Rising MeghalayaDecember 20, 2023

Ka kynhun synrop Regional Democratic Alliance (RDA) jong ka seng United Democratic Party (UDP) bad ka Hill State People’s Democratic Party (HSPDP) haka 19 tarik Nohprah ryngkat lang ki la pynbna ia ka ka kyrteng jong u nongialam barim ka Seng HYC u Samla Robertjune Kharjahrin kum u kyrtong sha ka ilekshon MP Lok Sabha ka ban long ha u snem u ban wan na ka Shillong Parliamentary constituency.

Ia kane la pyntip da u u Chairman ka RDA uba dei ruh u nongialam ka UDP u Bah Metbah Lyngdoh hadien ka jingialang ha kaba u la pyntip ruh ba la mynjur ba une u kyrtong un iakhun ia kane ka ilekshon na ka shap jong ka UDP kaba dei ha ka dur jong ka bom ha ka por ba pynlong ia ki jingialap ilekshon bad ha ka sngi thep vote.

Lah ban kdew ba u MLA barim ka Mawlai u Bah PT Sawkmie kumjuh u president ka Khasi Authors’ Society u Dr DRL Nonglait ruh ki la pan ia ka ticket jong ka UDP ban iakhun ha kane ka election MP-Lok Sabha ban wan.