Da u khaw sam ka Dorbar Shnong Tympang Jowai sha ki nongtrei ba hakhmat ban iada COVID-19

Syllad | The Rising MeghalayaJune 5, 2021

Ka Dorbar Shnong Tympang Iawmusiang Jowai kum shibynta ban pynpaw iaka jingsngewnguh bad ban ai ka jingithuh iaki nongtrei kiba hakhmat eh ban iakhun iaka jingpang khlam COVID-19 kala kner la kti jingiarap jong ka da kaba synniang da u khaw haka sngi Saitjain.

Kine ki nongtrei kiba hakhmat ki dei nongtrei ka tnad ka koit ka khiah kiba la tip kum ki ASHA kiba dei ki nongtrei kiba rit, hynrei kiba len lada ban thom iaka sang ka ma ban leit jngoh bad ban iarap iaki briew kiba shah ktah haka jingpang khlam COVID ha kylleng ki longiing bad ki jaka set slung wat la ka jingioh ka jong ki kalong tang shi damli.

Ka Dorbar Shnong Tympang hapoh ka jingialam u Edystone Shylla bad ka shnong baroh kawei ban pynpaw iaka jingsngewnguh halor ka jingshakri kine ki ASHA kala sam da u khaw mar shi byrni.

Ha kane ka jingsam khaw la iadonlang u Chairman Shnong Wompher Nartiang, u Assistant Waheh Shnong Latu Nartiang, Secretary Shnong A Lywait, Assistant Secretary u ma D. Nartiang bad kiwei de ki dkhot ka shnong ryngkat ki katto katne ngut ki ANM bad ki ASHA.