Da u khaw synñiang u Eleazer C Dkhar sha ki 84 ïing ha Mowkaiaw

Syllad | The Rising MeghalayaApril 14, 2020

U Ma Eleazer C Dkhar, Vice Chairman jong ka Meghalaya Handloom and Handicraft Corporation Development Ltd u la kner ka kti jingiarap jong u da kaba pynioh khaw mar 20 kg kawei ka longïing haka shnong Mowkaiaw hynne ka sngi Ba Ar.

Ha kane ka jingsam khaw u ma Eleazer haduh 84 tylli ki longïing ha katei ka shnong kila ioh jingiarap.

“Ngi dap da ka jingkmen iaka jingdon mynsiem iarap u Eleazer C Dkhar sha kine ki longïing kiba iakynduh jingeh bha ha kaban ioh iaki mar bam namar ka jingkhang khyrdep ban iakhun iaka khlam COVID-19. Naka liang ka Shnong ngi sngewnguh bad ka jingai khublei ia u Ma Eleazer bad kitbok kitrwiang ia u ba un ioh ka met kaba koit ka khiah bad ngeiskhem ba U Blei u nang kyrkhu ïa u ha ki kam ki jam jong u,” la ong Iadamiki Lyngdoh General Secretaty Shnong Mowkaiaw

Ka Dong Sowlad ka sngewkmen shibun ba une u samla rangbah ula mih shakhmat kum ha kane ka por kaba donkam bha ban iarap iaki ba shah ktah hapoh ka Shnong ong u ma Dapbiang Lathong Secretary Dong Sowlad

U Ma Eleazer ula ong ba ka daw ba u mih shakhmat ban iarap hadien ba ula ioh dala ki jong ki khmat iaka jingkyrduh ki paid nongshong shnong haka kane ka jingiuakhun pyrshah iaka ka jingpang Coronavirus. Ula ong ba kane ka jingiakhun kala ktah pynban ia ki bun tylli longïing ki sem namar ba kim ioh ka lad ban leit bylla bad ban pyndap iaka jingdonkam ha ki iing ki sem jong ki.

“Katno ka pang ka mynsiem jong nga haba ioh jingtip ba ki longïing kiab don ha katei ka shnong kaba dei ka shnong jong nga, kan kyrduh marbam. Ngam lah tang ban shu sngap bad nga la rai ban mih shakhmat ban iarap katba lah ei,” la ong u Eleazer.

Kum kane ka por donkam ba ki briew kin sngewthuh ban iarap ia ki longïing baduk ba kyrduh. U ba trei bylla sngi bad bam na kti ha ktien ki shah ktah shisha ha kane ka jingiakhun pyrshah iaka khlam bad ula khot la wer ia baroh ban pynduh iaka jingsngew Niam, Politik bad ban iarap para briew ha kum kane ka por ka saw ka sain, khnang ban lait u nongshong shnong ban iap thngan.