Da u maw sahnam buh ka Dorbar Shnong Tongkiad ia u Dolloi Raliang

Syllad | The Rising MeghalayaMarch 30, 2024

Ka Dorbar Shnong Tongkiad haka 30 tarik Lber kala pynlong iaka prokram pynkup burom bad buh maw sah nam ia u Dolloi ka Elaka Raliang Ma Chawas Lyngdoh.

Kane ka jingpynkup burom ka Dorbar Shnong Tongkiad ia u Dolloi ka Elaka Raliang, ka long kum shibynta ban ban pynpaw iaka jingsngewnguh ia ka jingmynjur jong u ban ithuh iaka shnong Tongkiad kum kawei na ka shnong bapura, kata naduh 4.3.2006 ha ka thain Iooksi. Ha utei snem u waheh shnong u dei u ma Wot Tang bad u Secretary Shnong dei u Kolin Lamare.

Ha kane ka sngi la buh ruh ia u maw sah nam ia u Dolloi Chawas Lyngdoh uba la ai shnong ba pura ia kane ka shnong.

Ha kane ka jingialang pynkup burom la iadonlang u waheh shnong ba mynta Hamran Lyngdoh, Firstarborn Synnah, u Richard B Uriah nalor kiwei kiwei ki riew rangbah.

La pynphuh pynphieng ia kane ka sngi da ka jingshad tynrai ki heprit ka shnong ryngkat ka jingdonlang nongshong shnong.