Da u mawria rah ka KSU Thangrain ha khmat EE Shangpung Division ba pyndonkam trei surok Nartiang Ionglwit Barato

Syllad | The Rising MeghalayaApril 12, 2022

Ka Khasi Students’ Union Thangrain Unit kaba la khie bitar iaka jingtrei torti u kontrak iaka surok Nartiang Ionglwit Barato, kala rah syndon da u mawria ba pyndonkam ban siang surok ha khmat u Executive Engineer PWD (Rds) Shangpung Division haka sngi ba Ar.

Ka KSU ba ki nongialam shnong kila kynnoh ba u kontrak ba pyntrei iaka surok um shym la kohnguh bad leh bymsuidniew ban trei iaka surok katkum ka rukom (specification). La kynnoh ba une u kontrak ula siang iaka surok da u mawria haka jaka u mawship bad kane kala pynbitar iaka nongialam shnong bad ka KSU kiba la rah syndon da u mawria ha plastic bad ai u EE Shangpung Division.

Na kaliang u EE Shangpung Division ula kular ban shimkhia bad ban leit jurip biang iaka surok.

Bthah ka PWD Shangpung Div ia u kontrak ban siang maw biang iaka surok Nartiang Barato hadien ba ujor ka KSU

Ka KSU bad ka Nongialam shnong ka Thangrain kila ong ba kane kan long ka sien kaba khatduh bad lada u kontrak ba pynrei iaka surok um shna iaka surok katkum ka rukom kin shim da kawei pat ka rai kaba tyngeh, la ong u publicity secretary KSU Lamdaki Myrchiang.

Kumban shu pynkynmaw ba ka ophis u Executive Engineer PWD (Rds) Shangpung Division, KSU bad ka bor shnong Thangrain ha ka 17 tarik u bnai Lber kila wan jurip ia kane ka surok Nartiang Ionglwit Barato halor ka jingkynnoh ba la shna torti u kontraktor iaka surok kaba dang sah kumba 1 KM.