Da u nongialam ka JSU sei ka shnong Darrang ban iakhun MDC election

Syllad | The Rising MeghalayaDecember 12, 2024

Ka shnong Darrang kala sei da u nongialam ka Jaintia Students’ Union (JSU) kum u kyrtong ban iakhun iaka MDC elekshon sha ka Jaintia Hills Autonomous District Council ka ban long ha u snem ban wan.

Une u nongialam ka JSU u dei u Treibor T Suchen uba bat kum u general secretary ka JSU.

Ha u kyrwoh la pynpaw ba haka 11 tarik Nohprah, ka shnong Darrang haka jingiadonlang ki nongialam shnong, ki riew rangbah bad ki khun samla ka shnong Darrang daw kawei ka sur kila rai ban sei ia U Treibor kum u kyrtong haka election MDC ka JHADC.

Iakane ka jingialang paidbah lah pynlong hapoh ka hall ïing skul ka shnong bad hadien ka jingiathir sani bha da baroh kiba wan shim byntakila rai ban sei hi da u khun ka shnong kata ia u samla rangbah u Treibor R Suchen.

Baroh ki nongkren kila ai ka jingkyrshan namar ba u Treibor ula don lypa haka kam shakri paidbah ne trei kam bhalang bad um dei satia uba dang thymmai haka kam ban ai ka jingshakri bad ka por kala dei eh ban sei iaki samla kiba nang ban iasaid na ka bynta ka jaidbynriew, ka riti ka dustur bad ka kolshor.

Ki paitbah ka shnong Darrang ki kyrpad rit sha kiwei ki para marjan shnong bad khamtam iaki para constituency naka War West ban tylli bad jingkyrshan lang ia u samla Treiborlang Raul Suchen.