Da u petrol bomb kawang ïaki trok kit khaw ka FCI, thwet ki pulit ïaki runar

Syllad | The Rising MeghalayaApril 30, 2019

SHILLONG: Ki jingjia kem ding ki trok kit khaw ka Food Corporation of India (FCI) ha Mawlai Mawroh, Shillong ka dei na ka daw ba shah kawang petrol bomb ha ki runar ki ba ym lah satia ban ithuh la pynthikna ki Pulit ka Jylla.

Ka khubor pulit ka ïathuh ba ki runar kila kawang da u petrol bomb ha phyllaw ka FCI kaba la wanrah ka jingjulor ïa ki trok kit khaw ba don u registration number AS 01 DC 6297 bad AS 01 CG 9187, hynrei ka jingsmat ki  ki pulit pynlip ding la lah ban tem ïaki thylliej ding ban pur sha kiwei kiwei ki trok.

Barabor ki trok ha katei ki jaka ki ju pynieng shabar ka phyllaw ka FCI, hynrei hadien ka jingkhlad shipai home guard u Disnarlin L Lyngdoh (50) na Mawlai Mawroh na ka jingshah shoh ha ki nongniah trok kaba la jia ha Ribhoi haka taiew bala dep, ki pulit kila pyrkhat lypa ïoh jia eiei hadien ka jingjia ha Ri Bhoi, kila bthah ban pynieng ïaki trok shapoh phyllaw ka FCI, lym kumta kala wanrah ka jingjulor kaba bun.

Ki Pulit ka jylla kila pynlong iaka jingtohkit bad dang pyrshang ban wad ïaki runar lyngba ki kor ring dur (CCTV) ban iarap ïaka jingtohkit.