Daka kol bakla thep jop ka Ladthadlaboh iaka Mynthong haka Super Divison ka WJDSA

Syllad | The Rising MeghalayaAugust 30, 2022

Ka Ladthadlaboh Sc kala jop da ka kol bakla thep 1-0 pyrshah iaka Mynthong Sc haka Super Division Football Tournament kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Kane ka kol bakla thep kala mih paw haka minit kaba 6 kaba la iaid ka jingiakhun haka kylla step. Ia kane ka kol la thep da u Riburom Jat jong ka Mynthong bad kala neh haduh bala wai ka por iakhun.

Da kane ka namjop ka Ladthadlaboh kala kamai 6 poin na ki lai sien iakhun, katba ka Mynthong kala neh 7 poin na ki saw sien mih madan.

Lashai ka jingiakhun kan long hadpdeng ka Sabahmuswang pyrshah Lumiawmushai Shangpung haka por 3 baje nohphaisngi.