Dalade hiar jurip ka Kong Santa Mary Shylla iaka border haat, surok Sonapur Borkhat

Syllad | The Rising MeghalayaMay 9, 2023

Ka kong Santa Mary Shylla MLA jong ka Sutnga Saipung haka sngi ba Ar, dalade kala hiar jurip iaki shnong khappud, ka border haat bad ka surok kiba dang iaid ka jingtrei ha East Jaintia Hills District.

Ha kane ka jinghiar jurip ha kitei ki shnong kiba hap haka constituency jong ka kala khmih bad jurip iaka jingtrei kynthup iaka Border Haat ha ka shnong Huroi, ka surok Sonapur-Borkhat kaba jngai 40 Kilometre kaba la pyntrei hapoh ka skhim North East Road sector Development Scheme kaba pyniasoh iaka shnong Shymplong, Borsara, Lejri, Lahalein, Huroi bad HIngaria.

Kine ki ar tylli ki project ki dei kiba la sdang da ka sorkar MDA ha u snem bala dep bad u Dy. CM Prestone Tynsong ula buh mawnongrim.

Ha kane ka jingjurip la iadonlang ki ophisar na Deputy Commissioner office, Khliehriat, District Commerce & Industries Centre, PWD(R) NEC Division Khliehriat, contractor bad nongialam bad ki dkhot ka Joint action committee ki shnong kappud bad u Adviser Kynjaimon Amse.

Kala MLA kala pynpaw baka hun ka jingpyntrei ia kine ki ar tylli ki jingtrei bad ka kyrmen ba ki jingtrei kan dep haka pork aba la buh. Kala ong ba marsien dep kine ki project kan long ka jingkyrkhu ia kine ki shnong khappud khamtam ka surok kaba naduh ba jylla ka dang hap hapoh ka jylla Assam kim pat ioh surok

Ka Kong Santa kala ia phylliew jingmut ruh bad ki riew rangbah bad ki nongshong shnong bad kular ban ai ka jingiatreilang bad ki bor shnong. Kala kular ruh ban iakren bad ka sorkar ban pynioh bording bad ki mobile tower ban pynioh line mobile phone sha kane ka thain ban pynsuk ia u paidbah.

Shuh shuh ka Kong Santa kala bthah ruh iaka tnad PWD bad u contractor ban iarap iaki paidbah haba sahkut ka lynti synkieng haka aiom slap.