Dang mynta kyndit ka JSU ba bakla ai kyrteng iaka Civil Hospital Khliehriat | Tah sia iong iaka kyrteng

Syllad | The Rising MeghalayaJuly 19, 2023

Ka Seng Jaintia Students’ Union (JSU), Khliehriat Circle ka la pyndam noh shwa ia ka kyrteng Civil Hospital Khliehriat hadien ba kyndit bad lap dang mynta ba bakla ka jingkyntiew kyrdan iaka CHC Khliehriat sha ka Civil Hopsital Khliehriat.

U syllad ula dep buh jingkylli lypa naduh ba por plie bad kyntiew kyrdan iaka Khliehriat CHC sha ka Civil Hospital ha u snem 2022.

Kam long shuh kaba phylla namar ba ia kane ka hospital la buh tang ka signboard thymmai bad kaba shapoh ka hospital ka sah bad neh kumjuh khlem kino kino ki tiar bad ki nongtrei.

Ia kane ka hospital kyntiew kyrdan iaka ha u snem 2022 bad la wan ban plie paidbah iaka 14 tarik Rymphang 2022 da u Myntri Rangbah Conrad K Sangma haka jingiadonlang u Kyrmen Shylla MLA ka thain bad kiwei kiwei.

Kane ka hospital ka de kaba 100 jingthiah bad la dep tei iaka naduh u snem 2013. Kane ka hospital kane neh kumjuh khlem ki tiar ki tar bad kam lah ban ai ka jingshakri kaba pura ia u paid nongshong shnong ka East Jaintia Hills District.

Ka Khasi Students’ Union (KSU), Hynñiewtrep Integrated Territorial Organization (HITO), Hynniewtrep Youth Council (HYC) marsien kyntiew kyrdan ia kane ka hospital mar mar kila buh jingthoh sha ka tnad ka koit ka khiah.

Na ka liang ka JSU pat dang mynta ka kyndit thiah bad hapoh ka jingialam u President u Livingeon Sana, General Secretary u Ajoymenson Lyngdoh ha ka jingdon lang u Vice President u Winson Salahe bad ki dkhot haka sngi Balang, kila leit ban iakynduh bad u DMHO bad u Medical Officer ban tohkit bniah ia ka jinglong jingman ka hospital ha Khliehriat kaba dang shu dep kynkiew kyrdan dang ha u snem ba lah dep sha ka Civil Hospital Khliehriat, hynrei ia kaba ka seng ka la lap da la jong ki khmat  ba kane ka hospital ka dang sahdien wat hadien kane ka jingkyntiew kyrdan.

Ka JSU ka pynpaw ruh ka jingbitar hadien ba ka la sakhi ia kane ka jingsahdien kane ka jaka sumar, bad kaba kham pynsngewsih ia ki nongialam ka seng ka long ba ka sorkar ka la ieh beiñ ia kane ka thaiñ wad hadien 12 snem tam ka jingioh la ka jong ka district hynrei ka sorkar kam shym la shim khia ban pynbiang ia ki jaka sumar.

Shuh shuh ki nongialam ka seng ki lah ong ruh ba ka sorkar jylla ka ioh kham bun ka khajna napoh East Jaintia, hynrei ia ka roi ka par hapoh ka thaiñ kam shym la lah ban pynbiang satia.

Kumta na ka liang ka seng ka la  shim ia ka rai ban pyndam noh shuwa ia ka kyteng “Civil Hospital ” katba ka sorkar kam pat lah ban pynbiang ia ki kor ki bor bad ki jaka sumar hapoh kane ka hospital paidbah namar bunsien ki nongshong shnong ki hap ban leit phah sumar shaduh sha Ialong Civil Hospital Jowai bad kane ka buh jingeh kaba khraw ia ki paidbah namar ka jingjngai.