Daw pynkup burom ka Seiñkur Bahkhla ya ki khon ka kur

Syllad | The Rising MeghalayaJanuary 17, 2024

Ka Seiñkur Bahkhla – Central Body kawa kynthup ya ki kur kam ka kur Rymbai, Ryngkhlem, Kyndait, Sana, Lyngdoh (Rymbai), Ksoo, Toi, Najiar, Lato, Thma, Chynret, Kyndiah, Rymbui, Pdein(Sana) wa Khaii, daw pynman ko ya ka Dorbar wa Chiphaw yong ka ha ka 27/01/2024 heipor 11:00 i sngi ha ka chnong Mukhaialong, East Jaiñtia Hills.

Ha kani ka dorbar daw pynkup burom leh ya ki khon yong ka kur kiwa leh bha ha ki kyrdan waphær waphær yong u snem 2023.

Kiwa ye u pyndap (Apply) toh kiwa yoh katkam kini ki percentage ha wah:
1: SSLC, HSSLC, Degree -80 Percent chaneiñ
2: Professional Courses – PhD, MBBS wa ki kyrdan wa chaneiñ.

Ki khon yong ka kur kiwa yoh ya kitai ki Percentage u pynpoi ki ya ka Marksheet yong phi ha chwa ka 24/01/24, deiwa phah ha kini ki WhatsApp No. 9863044082, 8787884815.

Heijooh i por leh ka Kur khut ko ya phi ki parakur waroh u ya sñiawbha wan cha kani kra Dorbar ka kur.