Daw pynman ya ka Dorbar Pyllun ka Seiñkur Tang

Syllad | The Rising MeghalayaFebruary 20, 2024

Ka Seiñkur Tang Pyllun daw pynman ko ya ka Dorbar Pyllun (General meeting) kawa ar ha ka 24 tarik uni u bnai ha chnong Mowtyrshiah, West Jaiñtia Hill District heipor 10:00 i step.

Kamtæ da khut sñiawbha ya waroh ki khon ka Kur kiwa em ha kylleiñ soodong ka jylla Meghalaya wa cha kiwi tawon ki thaw u sñiawbha phi u wan cha kani ka Dorbar Pyllun.

Ha kani ka sngi daw yoh leh i sneiñ kyntu na ki waheh wasian yong ka kur kamjooh daw em leh i pynkup burom namo ka Academic Award ya ki khon ka kur kiwa yoh 75% chaneiñ ha ka SSLC, HSSLC kamjooh leh ya kiwa yoh ya ka kyrdan Doctorate.

Ha kani ka sngi daw pynkup burom leh ya ki waheh yong ka kur kiwa da kynjoh ya i rta wa palat 80 snem.

Kamtæ dei maya kyrpaad ya phi ki khon yong ka kur waroh u sñiawbha phi u wan cha kani ka yachemlang kawa ar.

Kani toh ka katkam wa pyntip u A. Tang uwa man u Secretary ka Seiñkur Tang Pyllun wei ya ka yutip wa bniah ye u phone ha u number 7005250897.