Dawa Ambulance ka synjuk Waheh Shnong War Jaintia

Syllad | The Rising MeghalayaMay 26, 2021

Ka Synjuk ki Waheh Shnong War Jaintia kala kyntu ia u Myntri ka tnad Pohiing uba long ruh u MLA ka thain Lahkmen Rymbui ban pynioh ambulance iaka Amlarem Sub Division namar ba kane ka thain kam don kali kit nongpang.

“Ka Nongtalang CHC, ka Jarain PHC bad ka Padu dispensary kim Ambulance te ka long shisha ka jingeh ia u paidbah ban wad kali nongpang kum ha kane ka por jong ka khlam Covid-19,” la ong secretary synjuk waheh shnong War Jaintia Siangmin Lacuna.

“Ka War Jaintia kala mad ruh iaki jingeh ban kit iaka met iap kaba la khlad na ka jingpang covid haka thain bad kumba long mynta ka jingpang kala nangkiew nangkiew haka thain bad ka jingbym don ambulance kala buh jingeh bad pynklumar jingmut shisha iaki paidbah ka thain,” ula ong shuh shuh u ma Lacuna.

Ka synjuk kala dawa na u ma Lahkmen Rymbui ban shim khia katba lah ban pynioh ambulance ha kitei ki lai tylli ki jaka sumar ban myntoi u paidbah ka thain.