Dawa ban pynhiar dor iaka petrol diesel ong ka HYC iaki synjuk niah kali

Syllad | The Rising MeghalayaFebruary 6, 2021

Ka Hynniewtrep Youth Council (HYC), East Jaintia Hill Circle haka sngi Saitjain kala kyrpad iaki synjuk jong ki kali kamai naduh taxi, tourist bapher bapher kiba don hapoh ka jylla ban ym dawa ban pynkiew iaka bai kali, hynrei ban dawa naka sorkar ban pynhiar iaka dor petrol bad diesel bad ki khajna bapher bapher haba iadei bad ki jingdonkam jong ki kali taxi lane ki kali tourist.

U vice president HYC u Michal Chyrmang ula ong “Wat pyrkhat tang shilliang hynrei pyrkhat kum ki rangbah ba don ka jingkit khlieh naka bynta ka imlang sahlang ha baroh kiliang khnang ba ka jing dawa jong nga jong phi kan ym ktah ia kiwei bad ban myntoilang salonsar. Kum ka seng ngi sngew synei iaki paidbah bapli namar ba lada pynkiew iaka bai shong kali kan ktah ia u duk u suk u kup shillang u sem shillang kynthup iaki khynnah skul, nongtreibylla, nongtrei sorkar kiba pyndonkam da ki kali kamai manla ka sngi,” la ong une u nongialam HYC.

Ka HYC kala dawa na ka sorkar jylla ban pynbeit mardor ia kane ka kam da kaba pynhiar iaka khajna ban myntoi u paidbah ba bunlang.